7 ماۋسىم 2018, 14:17 1147 0 ونەر دينارا مىڭجاسارقىزى

Eurasia Film Market حالىقارالىق كينونارىعى وتپەك

2018 جىلدىڭ 1 شىلدەسىندە XIV حالىقارالىق "ەۋرازيا" كينوفەستيۆالىنىڭ اياسىندا Eurasia Film Market اتتى حالىقارالىق كينونارىعى اشىلادى، - دەپ حابارلايدى Tengrinews.kz ءتىلشىسى.

بۇل - جىل سايىنعى كينەماتوگرافيستەردىڭ كاسىبي كەزدەسۋلەرى مەن جاڭا جوبالاردىڭ تانىستىرىلىمىنا، بۇكىل الەمدىك كينوگەرلەردىڭ پىكىر-تاجىريبە الماسۋىنا ارنالعان ىسكەرلىك الاڭ. ەۋرازيا كينو نارىعى مەديا كومپانيالاردىڭ وكىلدەرىمەن سەيلساگەنتتەردى، ديستريبيۋتورلاردى، تەلە جانە ينتەرنەت پلاتفورما وكىلدەرىن ىسكەرلىك كەزدەسۋلەرگە، جاڭا جوبالاردىڭ تانىستىرىلىمدارىنا، سونداي-اق، تاجىريبە الماسۋمەن قازاقستان جانە ورتالىق ازياداعى كينوبيزنەستىڭ بولاشاعىن تالقىلاۋعا استانا قالاسىنا جينايدى. ىسكەرلىك الاڭ Wyndham Garden Astana (تۇرار رىسقۇلوۆ كوش.، 6/1) قوناقۇيىندە بولادى. Eurasia Film Market قوناقتارىن ءىس-شارالاردىڭ پرەزەنتاتسيالار، دوڭگەلەك ۇستەلدەر، پانەلدىك پىكىرتالاستار، ماستەر-كلاستار سەكىلدى اۋقىمدى باعدارلاماسى كۇتەدى. EURASIA FILM MARKET اياسىندا ءداستۇرلى ەۋرازيالىق نارىق جوبالارى (پيتچينگ) ستسەناريلەردى دامىتۋ ساتىسىندا وتكىزىلەدى. پيتچينگكە قاتىسۋعا قازاقستان جانە ورتالىق ازيا حالىقتارىنىڭ رەجيسسەرلەرى شاقىرىلادى. نارىق جوبالارىنىڭ رەسمي باعدارلاماسىنا قاتىسۋعا 10 جۇمىستان الىنادى. ەۋرازيالىق نارىق جوبالارى - 2018-گە قاتىساتىن جوبالاردى تاڭداۋعا قويىلاتىن تالاپتار: - ءسىز حالىقارالىق جانە قازاقستاندىق اۋديتورياعا ارنالعان الەۋەتى جوعارى تولىق نەمەسە قىسقامەتراجدى ءفيلمنىڭ جاڭا جوباسىن ازىرلەۋدە بولساڭىز (جانرىنا جانە بيۋدجەتىنە شەكتەۋ جوق); - جوبالاردى ۇسىنۋ ءۇشىن قۇجاتتار جيىنتىعىنا قويىلاتىن تالاپتار (كوركەم، دەرەكتى، تولىقمەتراجدى، قىسقامەتراجدى): - كوركەم نەمەسە دەرەكتى، تولىقمەتراجدى نەمەسە قىسقامەتراجدى كينوفيلم ازىرلەنىپ جاتسا; - تولتىرىلعان ساۋالناما (ساۋالناما سۇراۋ بويىنشا projectmarket@eurasiafestival.kz ادرەسىنە جىبەرىلەدى); - ورىس تىلىندەگى تۇيىندەمە  (1-2 بەت); - ستسەناريستىڭ، پروديۋسەردىڭ نەمەسە رەجيسسەردىڭ اتىنان جوباعا اۆتورلىق كوزقاراسى ورىس تىلىندە (ماكس. 1 بەت). پيتچينگ كەزىندە جوبالاردى حالىقارالىق ساراپشىلار باعالايدى. جەڭىمپازدارعا سىيلىقتار بەرىلەدى. ەۋرازيالىق جوبا نارىعىنىڭ رەسمي باعدارلاماسىندا بولماسا دا قاتىسا الاسىز. ءىس-شاراعا كىرۋ تەگىن جانە قازاقستاندىق كينويندۋستريا وكىلدەرىنىڭ بارلىعىنا اشىق (پروديۋسەرلەر، ديستريبيۋتەرلەر، رەجيسسەرلەر، ستسەناريستەر، ستۋدەنتتەر جانە ت.ب.). ەسكە سالا كەتەيىك، وسىعان دەيىنگى جىلداردا بەلگىلى قازاقستاندىق رەجيسسەر، ستسەناريست ەمير بايعازيننىڭ "جارالى پەرىشتە" اتتى جاڭا جوباسى "بەرليندىك كينونارىق-2014" بايقاۋىندا نەمىس-فرانتسۋز ARTE تەلەارناسىنىڭ جۇلدەسىن جەڭىپ العان بولاتىن.

سوڭعى جاڭالىقتار