3 مامىر 2018, 15:12 3544 0 وقشانتاي "تۇركىستان" گازەتىنىڭ اۆتورلارى

«امىرە» فيلمىندە امىرە بار ما؟

جاقىندا «امىرە» ءفيلمىنىڭ تۇساۋى كەسىلدى. جۇرت باستى ءرولدى سومدايتىن اكتەردىڭ دۇرىس تاڭدالماعانىن ايتىپ جاتتى. شىنىندا، رەجيسسەر «امىرەنى» قانداي كريتەريگە بايلانىستى تاڭدادى ەكەن؟

بەلگىلى ءبىر تۇلعا جونىندە بيوگرافيالىق فيلم تۇسىرگەن كەزدە ەڭ ءبىرىنشى ۇستانىم، بۇلجىماس ۇستانىم – پورترەتتىك ۇقساستىق. ماسەلەن، الەمدىك كينولاردى ايتساق، رەجيسسەر ريچارد اتتەنبورو تۇسىرگەن «گاندي»، ميلوش فورماننىڭ موتسارت تۋرالى «امادەي»، داڭقتى سوكۋروۆتىڭ گيتلەر، لەنين، يمپەراتور حيروحيتو ومىرلەرىن وزەك ەتكەن «مولوح»، «تەلەتس»، «سولنتسە» اتتى فيلمدەرىندەگى باستى كەيىپكەرلەرىنىڭ ومىردەگى كەيىپكەرلەرىنە ۇقساماعانى بار ما؟ ورىستاردىڭ ەسەنين، پوددۋبنىي تۋرالى دا دۇنيەلەرى جارىق كورىپ جاتىر. ءستاليننىڭ دە ەكرانداعى بەينەلەرى جەتەرلىك! ءبارى ءوز بەينەسىنە ۇقساپ تۇر! ال بىزدە نەگە ولاي ەمەس؟ ءتىپتى، كورشىلەس مىنا قىرعىز ەلىنە قارايىقشى. بىلتىر عانا رەجيسسەر ە.ابجاپپاروۆ اتاقتى ماناسشى ساياقباي قارالاەۆ تۋرالى «ساياقباي» اتتى اۆتوبيوگرافيالىق فيلم ءتۇسىردى. ومىردەگى ساياقبايدان كينوداعى بەينەسى اينىمايدى. ول ءفيلمىن ۇلت بولىپ ۇيىعان قىرعىز ەلى تۇگەلگە جۋىق كوردى! تۇلعالارى ءتىرىلىپ كەلگەندەي تۇرەگەپ تۇرىپ، كوزدەرى جاسقا شىلانىپ، تەبىرەنگەن. «ساياقباي» ءفيلمى شىنايىلىعى،  ۇلتتىق قۇندىلىقتى دارىپتەگەنى ءۇشىن مونرەال حالىقارالىق كينوفەستيۆالىندە باس جۇلدەگە يە بولدى. ەندى ءبىزدىڭ «امىرەدەگى» مۇستافا شوقايدىڭ بەينەسىنە نازار اۋدارىڭىزشى؟ تاريحي سۋرەتتەردە شوقايدىڭ شاشى بولماعان دەسە دە بولادى، ال كينودا شاشى بۇرقىراپ ءجۇر. ال كينودا امىرەنىڭ وبرازى اشىلعان با؟  ءسىز نە ويلايسىز، كوزى قاراقتى وقىرمان؟

توعجان تولەگەن

سوڭعى جاڭالىقتار