2 مامىر 2018, 18:19 1297 0 ءبىلىم نازىم تويلىباەۆا

ۇبت-عا قاتىسا الماعاندارعا باسقا كۇنى تاپسىرۋعا مۇمكىندىك بەرىلەدى

كۇردەلى جاعدايعا تاپ بولعان مەكتەپ تۇلەكتەرى ءتيىستى قۇجاتتارىن تاپسىرىپ، باسقا كۇنى ۇلتتىق بىرىڭعاي تەستىلەۋدەن وتە الادى. بۇل تۋرالى وكق-دا وتكەن ءباسپاسوز ءماسليحاتى بارىسىندا قر ءبىلىم جانە عىلىم ۆيتسە-ءمينيسترى اسحات ايماعامبەتوۆ ءمالىم ەتتى، دەپ حابارلايدى قازاقپارات ءتىلشىسى.

«ۇلتتىق بىرىڭعاي تەستىلەۋدى تاپسىرۋ بويىنشا الدىڭعى جىلدارى كەيبىر قيىندىقتار بولعانىن بىلەسىزدەر. مىسالى، بالالاردا ءارتۇرلى قيىن جاعدايلار بولىپ قالۋى مۇمكىن. اۋىرىپ قالۋىنا نەمەسە جاقىندارىنىڭ قايتىس بولۋىنا بايلانىستى نەمەسە تاعى دا باسقا كەلەڭسىز جاعدايعا، جول اپاتىنا بايلانىستى تەستىلەۋگە قاتىسا الماي قالعان جاعدايلار بولدى. وسىنداي جاعدايعا تاپ بولعان تۇلەكتەر امالسىزدان ۇبت-دان قالىپ قويىپ جاتتى»، - دەدى ول.

بيىل مۇنداي جاعدايلارعا ۇشىراعان ازاماتتارعا ءبىلىم جانە عىلىم مينيسترلىگى جاڭا مۇمكىندىك بەرىپ وتىر.

«ەگەر سول ەلدىمەكەندە ۇبت وتكىزىلىپ جاتسا، وندا ولار ءتيىستى قۇجاتتى تاپسىرىپ، باسقا كۇنى ۇبت-نى تاپسىرۋىنا بولادى. ەگەر سول ۋاقىتتا ۇبت ءبىتىپ قالسا، وندا ولار كەشەندى تەستىلەۋ كەزىندە تاپسىرا الادى. دەمەك، بۇنىڭ ءبارى مەكتەپ تۇلەكتەرىنە قوسىمشا جاعداي جاساۋ ءۇشىن ىستەلۋدە»، - دەدى اسحات ايماعامبەتوۆ.

ايتا كەتسەك، بيىل 146 مىڭ مەكتەپ ءبىتىرۋشىنىڭ 96 963 مىڭى ۇبت تاپسىرۋعا ءوتىنىش ءبىلدىرىپ وتىر. ولاردىڭ 80 پايىزى، ياعني 73 مىڭى تەستتى قازاق تىلىندە تاپسىرۋعا بەل بايلاعان.

 

سوڭعى جاڭالىقتار