28 ءساۋىر 2018, 11:00 1565 0 ىشكى ساياسات انار لەپەسوۆا

قازاقستانداعى بارلىق مەديتسينالىق جوو ستۋدەنتتەرىنىڭ قۇجاتتارى تەكسەرىلەدى

قازاقستانداعى مەديتسينالىق جوعارى وقۋ ورىندارى ستۋدەنتتەرىنىڭ قۇجاتتارى جاپپاي تەكسەرىلەتىن بولدى. وسىلايشا تالىمگەرلەر قۇجاتتارىنىڭ قانشالىقتى تۇپنۇسقا ەكەنى انىقتالماق. بۇل تۋرالى دەنساۋلىق ساقتاۋ ءمينيسترى ەلجان ءبىرتانوۆ مالىمدەدى.

مينيسترلىكتىڭ مۇنداي شاراعا بارۋىنا ەلورداداعى مەديتسينالىق ۋنيۆەرسيتەتتىڭ 117 ستۋدەنتى جالعان IELTS سەرتيفيكاتىن جاساتقانى  سەبەپ بولدى. سالا باسشىسى وسى جاعدايعا بايلانىستى پىكىر ءبىلدىرىپ، ءتيىستى شەشىم قابىلدانعانىن ايتتى.

ء"بىلىم جانە عىلىم مينيسترلىگىمەن بىرىگىپ، باسقا قاجەتتى زەرتتەۋ، تەكسەرىستەر باسقا جوعارعى ءبىلىم بەرۋ ۇيىمدارىندا وتكىزەمىز. ارينە، بۇل – جامان جاعداي. ونىڭ ۇستىنە دەنساۋلىق ساقتاۋ سالاسىنداعى ارىپتەستەرىمىز ءۇشىن وكىنىشتى جاعداي. بىراق جۇيەلى ماسەلە. ءبىز دەنساۋلىق ساقتاۋ سالاسىندا مەديتسينالىق قىزمەت ساپاسىن كوتەرۋ ءۇشىن وسى وقۋ ماسەلەنى، اعىلشىن ءتىلىن وتكىزۋىمىز كەرەك. قازىر ارنايى شارا قابىلداپ جاتىرمىز. وزدەرىڭىز بىلەسىزدەر، بۇرىننان قازاق، ورىس توپتارى بولدى. بىراق كەلەشەك دارىگەرلەر ءۇش تىلدە بىرگە وقۋ كەرەك", - دەدى ەلجان ءبىرتانوۆ.

سوڭعى جاڭالىقتار