28 ءساۋىر 2018, 10:53 3301 0 ءبىلىم انار لەپەسوۆا

ۇستازداردىڭ بىلىكتىلىگىن تەكسەرۋ ەرەجەلەرى وزگەرەدى

قازاقستاندا مۇعالىمدەردى اتتەستاتسيالاۋ ەرەجەلەرى وزگەرەدى. بۇل تۋرالى ءبىلىم جانە عىلىم مينيسترلىگى حابارلادى. 

جاڭا تالاپ بويىنشا بىلىكتىلىكتى تەكسەرۋ ەكى كەزەڭ بويىنشا جۇرگىزىلەدى. سوڭعى كەزەڭدە پەداگوگ قىزمەتىنە ساراپتاما جاسالادى. تاپسىرمالاردى ورىنداۋعا 200 مينۋت ءبولىنىپ وتىر. ال ماتەماتيكا، فيزيكا، حيميا مەن ينفورماتيكا مۇعالىمدەرى ءۇشىن قوسىمشا جارتى ساعات تاعى بەرىلەدى. قاجەت بولسا اپپەلياتسياعا جۇگىنۋگە بولادى. كاتەگوريا ارتقان سايىن ايلىقتىڭ 30-50 پايىزىنا تەڭ ۇستەماقى بەرىلەدى. تەستىلەۋ ناتيجەسى ءبىر جىلعا جارامدى. ۇلتتىق بىلىكتىلىك سىناعى 26 مامىر مەن 5 ماۋسىم، سونداي-اق 1-10 قاراشا ارالىعىندا وتەدى. ءوتىنىش بىلدىرگەندەر سانى 60 مىڭنان اسادى.

"اتتەستاتسيالاۋ مۇعالىمدەردىڭ ءوز ەركىمەن وتەدى. ۇستەمە اقى العىسى كەلگەن ۇستازدار وتىنىشتەرىن بەرىپ،  ۇلتتىق بىلىكتىلىك تەستىنەن وتەدى. قازىرگى جاڭا جۇيە بويىنشا ەنگىزىلىپ وتىرعان كاتەگوريالارعا سايكەس، بۇل كورسەتكىش بىرنەشە رەت كوبەيدى دەپ ايتا الامىز. ويتكەنى بۇل قازىرگىدەي، 5 مىڭ، 8 مىڭ، 17 مىڭ ەمەس، جالاقىنىڭ 30, 35, 40 جانە 50 پايىزى", - دەيدى  قر ءبىلىم جانە عىلىم ءمينيسترىنىڭ ورىنباسارى اسحات ايماعامبەتوۆ،

 

سوڭعى جاڭالىقتار