26 ءساۋىر 2018, 11:43 1600 0 ءبىلىم انار لەپەسوۆا

ۇكىمەت مەكتەپتەردى زاماناۋي ۇلگىدە جابدىقتاۋ ءۇشىن دۇنيەجۇزىلىك بانكتەن قارىز الادى

ۇكىمەت ەلىمىزدەگى 5 جارىم مىڭعا جۋىق مەكتەپتى زاماناۋي قۇرال-جابدىقپەن قامتۋ ءۇشىن دۇنيەجۇلىك بانكتەن 67 ميلليون دوللار قارىز الماق. قارىز 17 جىلدا قايتارىلۋى ءتيىس. بۇل تۋرالى ءبىلىم جانە عىلىم ءمينيسترى ەرلان ساعاديەۆ مالىمدەدى.

«قارىز  67 ميلليون دوللار. جانە سالىق تولەۋ ءۇشىن رەسپۋبليكالىق بيۋدجەتتەن 8 ميلليون دوللار قارجىلاندىرۋ قاراستىرىلعان. قارىزدى وتەۋ مەرزىمى 17 جىل. ونىڭ ىشىندە 5 جارىم جىلدا بوساتىلعان تولەۋدەن. ماقساتى –ورتا ءبىلىم بەرۋ جۇيەسىن ساپاسىن كوتەرۋ»، – دەيدى قر ءبىلىم جانە عىلىم ءمينيسترى ەرلان ساعاديەۆ.

ياعني، اۋىل مەن قالانىڭ مەكتەپتەرىن تەحنيكا جاعىنان  تەڭەستىرمەكشى. مۋلتيمەديالىق جابدىقتار: كومپيۋتەر، ينتەراكتيۆتى تاقتالار ورناتپاق. وعان 16 ميلليون دوللار قاجەت ەكەن. جانە كوزى ناشار كورەتىن بالالاردىڭ وزگە وقۋشىلارمەن بىرگە ءبىلىم الۋىنا جاعداي جاسايمىز دەپ وتىر باس ۇستاز.

قايتا-قايتا قارىزعا باتۋ اسا جاقسى ەمەس دەپ، قارسى شىققان ءبىر-ەكى دەپۋتات بولدى. ءبىلىم سالاسىنا ونسىز دا قازىنادان از اقشا ءبولىنىپ جاتقان جوق دەيدى ماجىلىسمەندەر. ماسەلەن، بيىلعى بيۋدجەتتەن ءبىلىم بەرۋ ءىسىن  دامىتۋعا 189 ميلليارد تەڭگە قارالعان. دەگەنمەن، دەپۋتاتتار دۇنيجۇزىلىك بانكتەن نەسيە الۋعا اقىرى كەلىسىم بەردى.

«جابدىقتار الۋ. ول ەندى شىنىندا دا كەرەك نارسە. سەبەبى، بيۋدجەتتەن بەرىلىپ جاتقان قاراجاتتان وعان بولۋگە قازىر جاعداي جوق. سول سەبەپتەن وىسنداي قارىز الىپ وتىر. اۋىلداعى مەكتەپتەردىڭ ولاردىڭ جابدىقتالعانىن قالامەن سالىستىرا المايسىڭ عوي»، – دەيدى ءماجىلىس دەپۋتاتى مايرا ايسينا.

سونداي-اق، ەلىمىزدەگى جوعارى وقۋ ورىندارىنداعى اقىلى ءبىلىم بەرۋدىڭ جىلدىق قۇنى وزگەرۋى مۇمكىن. ءبىلىم ءمينيسترى ۋنيۆەرسيتەتتەر  باعانى وزدەرى  بەلگىلەسىن دەپ وتىر.

ال قازىر جوعارى وقۋ ورىندارىنىڭ اقىلى ءبىلىم بەرۋ بولىمدەرىندە باعا  مەملەكەتتىك گارنتتانتىڭ قۇنىنان قىمبات، نە ارزان بولماۋ كەرەك دەگەن تالاپ بار ەكەن. مينيسترلىك زاڭنان وسى نورمانى الىپ تاستاماق.

سوڭعى جاڭالىقتار