8 ءساۋىر 2018, 13:57 933 0 جاھان انار لەپەسوۆا

برازيليانىڭ بۇرىنعى پرەزيدەنتى قاماۋعا الىندى

برازيليانىڭ بۇرىنعى پرەزيدەنتى لۋيس يناسيۋ لۋلا دا سيلۆا ءوز ەركىمەن بەرىلدى. ونى سان-بەرناردۋ-دۋ-كامپۋ قالاسىندا فەدەرالدىق پوليتسەيلەر الىپ كەتكەن. بۇل تۋرالى جەرگىلىكتى اقپارات قۇرالدارىنا سىلتەمە جاساپ 24.kz.

ونىڭ جاقتاستارى بۇعان جول بەرمەۋ ءۇشىن قولدان كەلگەنىن ىستەگەن. الايدا ارەكەتتەرىنەن ەشتەڭە شىقپادى.

ايتا كەتەيىك، ەكس-پرەزيدەنتكە جەمقورلىقپەن اينالىستى دەگەن ايىپ تاعىلعان. قاڭتار ايىندا سوت ونى 12 جىل جانە 1 ايعا باس بوستاندىعىنان ايىرۋ تۋرالى ۇكىم شىعاردى. بىراق لۋلا دا سيلۆانىڭ جازاسىن قاي جەردە وتەيتىنى جاريالانعان جوق. ول وزىنە تاعىلعان ايىپتاردى مويىنداۋدان باس تارتىپ وتىر. جادىڭىزعا سالا كەتەيىك، لۋلا دا سيلۆا بيلىك باسىندا 2003 جىلدان باستاپ 2011 جىلعا دەيىن بولعان.

سوڭعى جاڭالىقتار