23 قازان 2008, 12:05 762 0 سۇحبات "تۇركىستان" گازەتىنىڭ اۆتورلارى

«AWARD.KZ» ۇلتتىق ينتەرنەت بايقاۋىنىڭ ۇيىمداستىرۋ كوميتەتiنiڭ تەڭ توراعاسى الەكساندر لياحوۆ: مەن “قازاقپىن”، “قازاقستاندىق” دەگەن ءسوز ماعان ۇنامايدى

سوڭعى جىلدارى “AWARD.kz” ينتەرنەت كونكۋرسى تۇراقتى وتكiزiلiپ كەلەدi. وعان ورىستiلدi ينتەرنەت سايتتارمەن بiرگە قازاقتiلدi سايتتار دا قاتىسا الادى. 15-قاراشادا بيىلعى ءداستۇرلi بايقاۋدىڭ قورىتىندىسى شىعادى. الەكساندر لياحوۆپەن اڭگiمەمiز وسى بايقاۋ جايىندا جانە قاراپايىم ورىس ادامىنىڭ ەلدەگi ۇلتتىق ساياسات تۋرالى كوزقاراسى تۇرعىسىندا ءوربiدi.<br>

– الەكساندر، جىل سايىن “AWARD.kz” ينتەرنەت كونكۋرسىن وتكiزiپ كەلەسiزدەر. اڭگiمەمiزدi وسى كونكۋرستان باستاساق. بۇل كونكۋرستى وتكiزۋگە نە مۇرىندىق بولدى؟

– كونكۋرستى وتكiزۋ يدەياسىنىڭ اۆتورى بiز ەمەسپiز. كونكۋرس 2002 جىلدان باستاپ وتكiزiلiپ كەلەدi. ونى ۇيىمداستىرۋشى ماكسيم گريبونكين بولعان ەدi. بiراق، كونكۋرس باستاماشىلدارى ماسكەۋگە وقۋعا كەتتi دە، جاقسى iس اياقسىز قالدى. سول iستi ارىقاراي جالعاستىرۋدى بiز قولعا الدىق. 2004 جىلدان بiز بۇل كونكۋرستى جۇرگiزiپ كەلەمiز. بiز جىل سايىن قاي سايتتىڭ ەرەكشە ەكەندiگiن بiلگiمiز كەلەدi. بۇل ءۇشiن قانداي دا بiر ولشەمدەر ەرەجەلەر بولۋى كەرەك قوي. ءسويتiپ، جىل وتكەن سايىن كونكۋرستىڭ سحەماسى قالىپتاسىپ، جاقسارا ءتۇستi. ءار كونكۋرس سايىن بiز ءارتۇرلi جاڭالىقتار ويلاپ تاپتىق، وزگەرتتiك. بۇگiندە “AWARD.kz” ءوزiنiڭ بەلگiلi بiر ەرەجەلەرi بار، ۇيىمداستىرۋشىلارى تۇراقتى كونكۋرسقا اينالدى.

– بۇل كونكۋرسقا قازاقتiلدi سايتتار قاشاننان باستاپ ەنگiزiلدi?

– مەنiڭشە، 2006 جىلدان باستالدى عوي دەيمiن. سول جىلى وسى كونكۋرسقا 50-دەي قازاقتiلدi سايت قاتىستى. بىلتىر ولاردىڭ سانى 96-عا جەتسە، بيىل 200-دەن اسىپ وتىر. دەمەك، “AWARD.kz” كونكۋرسى وتكiزiلگەن ءۇش جىلدان بەرi قازاقتiلدi سايتتاردىڭ سانى وتە تەز وسكەن. بۇنىڭ سەبەبi كورپوراتيۆتi سايتتاردىڭ سانى كوبەيگەن. ياعني، كەز-كەلگەن سايتتىڭ قازاقشا نۇسقاسى جۇمىس iستەي باستاعان. بۇل مiندەتتi بولماسا دا، مەملەكەتتiك سايتتار ءوزiنiڭ بيزنەسiن دامىتۋ ماقساتىندا قازاقتiلدi نۇسقاسىن اشۋعا تالاپتانىپ وتىر. دەمەك، جەكەلەگەن سايتتار ءالi دە كوپ ەمەس.

– بۇنىڭ سەبەبi نەدە؟ قازاقتiلدi سايتتاردىڭ اۋديتورياسى بولماعاندىعىنان با؟

– جوق. قازاقتiلدi اۋديتوريا مۇندا جەتكiلiكتi. تiپتi, الىسقا بارماي-اق، اينالاڭىزعا كوز سالىپ قاراڭىزشى. مەنiڭ قازاقستانعا جولىم 1984 جىلى ءتۇستi. 1987 جىلى الماتىعا كەلدiم. ول كەزدە كوشەدەن قازاق تiلiن ەستۋ مۇمكiن ەمەس ەدi. قازiر قازاق تiلi جەر-جەردە ەستiلە باستادى. بۇنىڭ ءوزi جاقسىلىقتىڭ نىشانى. قازاقتiلدi سايتتاردىڭ اۋديتورياسى جايىندا دا وسىنى ايتۋعا بولادى. مەملەكەتتiڭ مەملەكەتتiك تiلدi دامىتۋعا قاتىستى جۇرگiزiپ وتىرعان ساياساتىمەن بiرگە، ماقساتتى اۋديتوريا دا كوبەيiپ وتىرادى.

دەگەنمەن، بۇنىڭ تاعى بiر قىرى بار. ماسەلە تiلدە ەمەس، الفاۆيتتە بولىپ تۇر. ەگەر، سايت كيريلل قارپiمەن دايىندالعان بولسا، وندا ونىڭ وقىرماندارى قازاقستان جانە موڭعوليامەن عانا شەكتەلەدi. ياعني، كيريلليتسانى پايدالاناتىن مەملەكەتتەگi قازاقتار عانا ونى وقي الادى. ال، يران، تۇركيا جانە گەرمانيادا تۇراتىن قازاقتار لاتىن قارپiندە وقىپ جازا الادى. بۇل پروبلەمانى قالاي شەشۋگە بولادى. دەمەك، قازiر مەملەكەتتiك تiلدەگi سايتتاردىڭ كوبi – ەكi الفاۆيتتەگi نۇسقاسىن جاسايتىن بولدى. ماسەلەن “inform.kz” سايتىن الايىق. ونىڭ كيريلل جانە لاتىن قارپiندەگi نۇسقاسى بار.

– سiزدiڭشە، قازاقستان لاتىن قارپiنە كوشۋi دۇرىس پا؟

– ونى ايتا المايمىن. شىنىم سول. مەنiڭشە، بۇل وتە كۇردەلi ماسەلە. ەگەر، بۇگiن لاتىن قارپiنە كوشەتiن بولساق، ول بiزگە نە بەرەدi, نەدەن ۇتىلامىز؟ وسى ماسەلەنi جان-جاقتى ساراپتاۋ كەرەك. ياعني، بۇدان ۇتارىمىز – الەمدەگi قازاقتار اقپاراتتىق تۇتاستىققا يە بولا الادى. قازاقستان مەن شەتتە جۇرگەن قازاقتار اراسىندا ءتۇسiنiسۋ وڭايعا اينالادى. ال، ۇتىلاتىنىمىز – كiتاپحانا. بۇعان دەيiنگi جينالعان بۇكiل-ءبۇتiن رۋحاني قازىنامىزدى كەلەر ۇرپاق تانىمايتىن بولادى. دەمەك، بiزدiڭ جىلدار بويعى جيناعان مۇراعاتتارىمىزدى شاڭ باسىپ ارحيۆتەردە قالاتىن بولادى.

– بiراق، پوستكەڭەستiك ەلدەردiڭ بiر-ەكەۋi, ايتالىق، وزبەكستان مەن ءازiربايجان لاتىن قارپiنە كوشiپ ۇلگەردi عوي.

– ازiرگە، بۇل مەملەكەرتتەردi لاتىنعا كوشتi دەپ ايتپاي قويا تۇرالىق. ولار، ارينە، لاتىن الفاۆيتiنە ءوتتi. ەگەر، قازiر لاتىن الفاۆيتiمەن تاربيەلەنiپ شىققان ۇرپاقتىڭ دەڭگەيi, وقىعانى مەن توقىعانى، مادەنيەتi مەن وتكەندi بولجاي بiلۋi – قانداي؟ بۇعان كوز جەتكiزبەي تۇر، كورشiلەرiمiز كوشiپ الدى عوي دەپ ايتۋ ەرتە.

– قازاقستاندا دا الفاۆيت بiر-ەك رەت اۋىستى عوي. ماسەلەن، 1928 جىلى اراب قارپiنەن لاتىن قارپiنە، 1940 جىلى لاتىنشادان كيريلليتساعا كوشتi. الايدا، سول كەزدەگi بۋىن الدىنداعى ادەبيەتتەن نەمەسە رۋحاني بايلىقتان ايرىلىپ قالۋدان قورىققان جوق. سول زاماننىڭ ادەبيە،تiن بۇگiندە زەرتتەپ، زەردەلەپ كەلەسi ۇرپاققا جەتكiزۋ iسi جۇزەگە اسىرىلۋدا...

– و زامان مەن قازiرگi كەزدi سالىستىرۋدىڭ قاجەتi جوق. ول كەزدە حالىقتىڭ بەلگiلi بiر بولiگi ءبارiبiر ساۋاتسىز ەدi. سول سەبەپتەن دە ول زاماندا قانداي دا بiر رۋحانگي مۇرادان ايرىلىپ قالۋ جونiندە اڭگiمە بولعان جوق. 1928 جىلدان 1940 جىلعا دەيiنگi 12 جىلدا وزگەرە قويعان ەشتەڭە جوق ەدi.

– قازاقستاندىق ينتەرنەت دامىپ كەلە مە؟

– ارينە، دامىپ كەلەدi. ول كورەر كوزگە دە كورiنiپ تۇر. قاي جاعىنان الىپ قاراساق تا، ينتەرنەت بiزدە كادiمگiدەي ءوستi. قولدانۋشىلار دا كوبەيدi.

– بiراق، بiر نارسە ايقىن. قازاق تiلiندە ءوزiڭiز ايتقانداي كورپوراتيۆتiك سايتتارى كوبەيدi. قازاقتiلدi گازەتتەردiڭ ينتەرنەت نۇسقاسى پايدا بولدى. اقپاراتتىق اگەنتتiكتەردiڭ سايتتار بار. الايدا، مەملەكەتتiك تiلدە جەكە قوعامدىق-ساياسي ينتەرنەت گازەت ءالi پايدا بولعان جوق. بۇعان نە سەبەپ؟

– مەنiڭ بiلۋiمشە، بiرنەشە ينتەرنەت گازەتi اشىلدى. بiراق، ءومiرi ۇزاققا بارمادى. نەگە؟ مەنiڭشە، بۇل ءومiر ءسۇرۋ مۇمكiندiگiنە بايلانىستى. ينتەرنەت گازەت جاساۋ وڭاي شارۋا ەمەس. ول ءۇشiن ەڭ اۋەلi حوستينگ، دومەن، ت.ب. ماسەلەلەردiڭ ءوزi بiرشاما iرi قارجىنى تالاپ ەتەدi. ال، ينتەرنەت اقپارات قۇرالىنىڭ ءوزiن-ءوزi اقتاۋى قيىنعا تۇسەدi. قازاقتiلدi سايتتاردىڭ اۋديتورياسى ءبارiبiر ازدىق ەتەدi. سول سەبەپتi دە ينتەرنەتتە جارناما بەرۋ ماسەلەسi, ءسويتiپ شىعىندى ءوندiرiپ الۋ ماسەلەسi جولعا قويىلماي وتىر. دەمەك، جاقسى ينتەرنەت گازەت جاساۋ ءۇشiن نە مەملەكەتتiڭ قولداۋى، نە iرi قارجىلىق قۇرىلىمداردىڭ دەمەۋشiلiگi قاجەت. “ايقىن” مەن “ليتەر” گازەتتەرiنiڭ ورىس-قازاق تiلiندەگi نۇسقاسى بار. بۇل گازەتتەردە كەيبiر ماتەريالدار بiرiنەن-بiرiنە اۋدارىلىپ باسىلادى. دەگەنمەن، بۇل گازەتتەردiڭ وزiندiك ستيلi, بەت-بەينەسi قالىپتاستى. ياعني، قازاقتiلدi ينتەرنەت گازەت ءومiر ءسۇرۋ ءۇشiن ونىڭ ورىستiلدi نۇسقاسى بولۋى قاجەت. ونسىز قازاقتiلiندە ينتەرنەت گازەت جاساۋ مۇمكiن ەمەس. بۇل ارينە، ۋاقىتشا ماسەلە. ءدال وسىنداي كەزەڭدi ورىستiلدi سايتتار دا باسىنان وتكiزدi. ياعني، ورىستiلدi وقىرمان ينتەرنەتتi بۇگiنگiدەي دەڭگەيدە قولدانا الماي تۇرعان كەزدە، ورىستiلدi سايتتاردىڭ دا ءومiر ءسۇرۋ مۇمكiندiگi از بولعان ەدi.

دەمەك، كەز كەلگەن ماسەلە جوسپارلى تۇردە كەزەڭمەن جۇزەگە اسۋى تيiس. تiلگە قاتىستى مەملەكەتتiك ساياسات تۋرالى دا وسىنى ايتۋعا بولادى. ەگەر، مەملەكەت ساليقالى تۇردە تiلدiك ساياساتتى جۇزەگە اسىرا الاتىن بولسا، ياسلي، بالا باقشادان باستاپ، مەكتەپ، ينستيتۋتتا جاس بۋىنعا مەملەكەتتiك تiلدi ءجوندi وقىتاتىن بولسا. بiراز جىلدان كەيiن ەتنيكالىق تەگiنە قاراماستان قازاق تiلiن ءوز انا تiلiندەي بiلەتiن ۇرپاق قالىپتاساتىن بولادى.

ءۇش تiلدi مەڭگەرگەن ساۋاتتى ۇرپاق وسكەننەن كەيiن، بۇل پروبلەمالاردىڭ بارلىعى وزدiگiنەن جوعالادى.

– دەمەك، سiز قازiر قوعامدا قىزۋ پiكiرتالاس تۋعىزىپ جاتقان ۇشتiلدiلiك ماسەلەسiن قولدايسىز عوي؟

– مەنiڭشە، تiلدi بiلگەننiڭ ارتىقتىعى جوق. قانشا تiلدi بiلسەڭ، سونشا ەلدiڭ وكiلi رەتiندە سانالاسىز. ەۋروپانىڭ كوپتەگەن ەلدەرiندە كوپ تiلدiلiك ستاندارت بولىپ سانالادى. شۆەتسيادا – شۆەد جانە فين – ەكi مەملەكەتتiك تiل بار. سونداي-اق، اعىلشىن تiلiن بiلۋ مiندەتتi. سول سەكiلدi بiزدە دە ءۇش تiلدi جەتiك مەڭگەرەتiن بولساق، نەسi جامان؟ بiراق، اربانى اتتىڭ الدىنا قويعاننان ونەر ەشتەڭە جوق.

– مەنiڭشە، مەملەكەت تۇرعىندارىنىڭ جارتىسىنا جۋىعى مەملەكەتتiك تiلدi بiلمەيدi. بۇندايدا ۇشتiلدiلiك تۋرالى ايتۋ ءالi ەرتە ەمەس پە؟

– مەن قازiرگi بالالاردىڭ ەرتەڭi جايىندا ايتىپ وتىرمىن. ولارعا ياسليدەن باستاپ، قازاق تiلiن ۇيرەتۋ كەرەك. ال، قازاق تiلi ءپانiنiڭ مۇعالiمiنە جاقسى جالاقى تولەپ، قازاق تiلiنiڭ ساعاتىن مەيلiنشە كوبەيتۋ قاجەت. ەگەر، تەوريا جۇزiندە تiلدi ۇيرەنiپ، تاجiريبە بولماسا، وندا كوپ نارسە ونبەيدi. سول سەبەپتi دە، تاجiريبەگە كوبiرەك نازار اۋدارۋ كەرەك. مەن، مىسالى، قازاق تiلiن ءوز بەتiمشە ۇيرەنiپ ءجۇرمiن. سوزدiك قورىم دا كوبەيiپ قالدى. الايدا، تاجiريبەنiڭ جوقتىعى سەبەبiنەن سويلەۋ ماعان اۋىر تيەدi. اعىلشىن تiلi تۋرالى دا سونى ايتۋعا بولادى. ەگەر، مەن قازاق اۋىلىندا ەكi اي بولسام، بالكiم ولارمەن بiردەي دەڭگەيدە قازاقشا سويلەپ تە كەتەتiن شىعارمىن. بالالار كەز-كەلگەن نارسەنi جاقسى قابىلدايدى. ياعني، بiز جوعالتقان ۋاقىتتى ەندiگi ۇرپاقتىڭ جوعالتپاۋىنا كۇش سالۋىمىز كەرەك.

ۇكiمەت كوپتەگەن جاقسى باعدارلامالار قابىلداپ جاتىر. بiراق، سونىڭ ءبارi iس جۇزiندە ەمەس، ءسوز جۇزiندە عانا قالىپ قويادى. بۇگiن حالىقتىڭ باسىم بولiگi مەملەكەتتiك تiلدi بiلمەسە، ەرتەڭ ونىڭ ورنىن بۇگiنگi ۇرپاق باسادى. ياعني، تiلدi بiلەتiن، مەملەكەتتiك تiلدە سويلەپ جازا الاتىن جاڭا ۇرپاق اۋىسادى.

– تاۋەلسiزدiك العالى 17, تiلiمiز مەملەكەتتiك مارتەبەگە قول جەتكiزگەلi 20 جىلداي ۋاقىت بولدى. وسى ۋاقىتتا بiر بۋىن ءوسiپ شىقتى. الايدا، ولار مەملەكەتتiك تiلدi مەڭگەرە المادى. بۇعان كiم كiنالi?

– وتكەن عاسىردىڭ 90-شى جىلدارىنىڭ قانداي بولعانىن ەلەستەتiپ كورiڭiزشi. بۇل كەزەڭدi “جوعالتقان ۋاقىت” دەۋگە بولادى. ياعني، عىلىم، بiلiم بارلىعىندا بiز كوش كەيiن قالىپ قويدىق. ول كەزەڭدە ەل تەك ءومiر سۇرۋگە تالپىندى. ادامداردىڭ ءال احۋالى جاقسارىپ، مەملەكەت ەكونوميكاسىنىڭ وڭ وزگەرiستەرگە باستاۋى سوڭعى ون جىلدا عانا جۇزەگە استى. دەمەك، بiز جيىرما جىلدا ەمەس، سوڭعى ون جىلدا نە iستەي الدىق، نەنi iستەي المادىق دەۋiمiز كەرەك.

– سiز قالاي ويلايسىز، ەندi بiر ون جىلدان كەيiن قازاقستان حالقى وزدەرiن “قازاق” رەتiندە سەزiنە الا ما؟

– نەگە ون جىلدان كەيiن؟ ماسەلەن، مەن ءوزiمدi قازiر دە “قازاقپىن” دەپ ەسەپتەيمiن.

– بiزدە ورىس، كازاك جانە سلاۆيان ۇيىمدارى جۇمىس iستەيدi. سولاردىڭ مالiمدەمەلەرi مەن ماقالالارىنا قاراپ وتىرساڭىز، قازاقستانداعى ورىستارعا جانىڭىز اشيدى. بiزدەگi ورىستاردى ەلدەن كەتۋگە ماجبۇرلەپ وتىرعان كورiنەمiز. سونداي-اق، “ورىس تiلi بوساعادان سىعالاي باستادى، ەندi بiرنەشە جىلدان كەيiن بۇندا ورىستار قالمايدى” دەگەن سىندى سوزدەردەن اياق الىپ جۇرە المايسىز. سiز بۇل مالiمدەمەلەرمەن كەلiسەر مە ەدiڭiز؟

– ارينە، وتكەن عاسىردىڭ 90-شى جىلدارىندا ورىستاردىڭ ەلدەن كەتۋi بۇقارالىق سيپات العانى راس. ولاردىڭ كەتۋiنە ەكi نارسە تۇرتكi بولدى دەپ ويلايمىن. بiرiنشiدەن، ولار رەسەيدە ءومiر ءسۇرۋ وڭاي دەپ ەسەپتەدi. ەكiنشiدەن، قاجەتسiز بولىپ قالعان ماماندار. ەگەر، ورىستاردى قىسىپ جاتىر دەسە، ولاردى قايدان، قانداي سالالاردان ىعىستىرىپ جاتىر دەگەن ساۋال تۋىندايدى. كەدەن، سالىق سەكiلدi ماي شەلپەك ورىنداردان ولاردى ىعىستىردى. بۇل ورىندارعا اسا بiر سيرەك ماماندى ادامدار قاجەت ەمەس. سول سەبەپتەن دە، ول جەرلەرگە شەنەۋنiكتەر ءوز جاقىندارىن، تانىستارىن اكەلiپ وتىرعىزا باستادى.

ال، شىنتۋايتىنا كەلگەندە، ەگەر سiز فيرمانىڭ باسشىسى بولساڭىز، سiزگە ساۋاتتى، مىقتى ماماندار قاجەت بولسا، سiزدiڭ ۇلتىڭىز بۇل جەردە ەشقانداي ءرول وينامايدى. سول سەبەپتi دە، شەتەلدەن ماماندار اعىلىپ كەلiپ جاتقان جوق پا؟

– ال، سول مامانداردان مەملەكەتتiك تiلدi بiلۋدi تالاپ ەتەتiن بولسا شە؟

– بۇل جەردە، ارينە، ماسەلە كۇردەلi. ايتالىق، مەملەكەتتiك قىزمەتتە جۇرگەن جاسى بiرتالايعا كەلiپ قالعان ادامنان نە ورنىڭدى بوسات، نە مەملەكەتتiك تiلدi ۇيرەن دەگەن تالاپ قويۋ – اقىلعا سىيمايتىن سەكiلدi. بiز ءسال اسىعا باستاعان سەكiلدiمiز. ەگەر، ماسەلەنi وسىلاي قوياتىن بولساق، وندا مەملەكەتتiك قىزمەتتەگi كوپتەگەن ادامدارىمىزدان ايىرىلىپ قالامىز. وندا بiرiنشiدەن، جالاقى وتە تومەن. ەكiنشiدەن، جەمقورلىق ءورشiپ تۇر. ەندi ولاردان مەملەكەتتiك تiلدi بiلۋدi تالاپ ەتۋ – كوپتەگەن كاسiبي، بiلiكتi ماماندارىمىزدان ايرىلىپ قالۋعا اكەلiپ سوعادى. سوندىقتان، مەملەكەتتiڭ ءاربiر iسi جوسپارلى جانە كەزەڭدi بولۋى كەرەك.

– سiز جوعارىدا عانا ءوزiڭiزدi “قازاقپىن” دەپ ايتتىڭىز. سوندا “قازاقستاندىق” بولعىڭىز كەلمەيدi عوي؟

– “قازاقستاندىق” دەگەن ءسوز ماعان ۇنامايدى.

– باتىس ەلدەرiندە “ازاماتتىق” جانە “ۇلت” ۇعىمدارى ەگiز. ەگەر، سiز فرانتسيانىڭ ازاماتى بولساڭىز، وندا سiز “فرانتسۋزسىز”. ۇلتىڭىزدىڭ كiم ەكەنi ەسەپتەلiنبەيدi. بiز سونداي زامانعا كەلەمiز بە؟

– بۇكiل الەم “ازاماتتىق” جانە “ۇلت” ۇعىمدارىن سينونيم رەتiندە قاراستىرادى. سiزدiڭ تولقۇجاتىڭىزدا “nationality” دەگەن ءسوزدi بiز “ۇلتى” دەپ اۋدارامىز. ال، بۇكiل الەم بۇل ءسوزدi “ازاماتتىعى” دەگەن ۇعىمدا قابىلدايدى. ال، بiزدە ونداي تۇسiنiك ءالi قالىپتاسپاعان. ەگەر، مەن ءوزiمدi “قازاقپىن” دەسەم، قازاقتار “سەن نەگە بiزدiڭ ۇلتتىڭ اتىن جاپسىرىپ العانسىڭ؟ ورىس ەكەنسiڭ ورىس بوپ جازىل” دەپ رەنجيدi, ورىستار “سەن ورىسسىڭ عوي، نەگە قازاقپىن دەيسiڭ؟” دەپ رەنجيدi. مەنiڭشە، كەز-كەلگەن ەلدiڭ تيتۋلدى ۇلتى، سول مەملەكەتكە اتىن بەرۋگە قۇقىلى. بiز “قازاقستاندىق” دەگەن جاڭا ءسوزدi ويلاپ تاپقانشا، “قازاق” دەگەن ءسوزدiڭ اياسىنا ازاماتتىعىمىزدى سىيعىزىپ جۇرە بەرمەيمiز بە؟ ال، تەگiڭدi ۇمىتپاۋ، قاي ۇلتتىڭ وكiلi ەكەنiڭدi انىقتاۋ – ول وزiڭە بايلانىستى. سونداي-اق، بiزدە ءاربiر ون ادام بiز “پالەنشە ەتنوستىڭ وكiلiمiز” دەپ كەۋدەسiن قاعادى. مەن بۇعان دا قارسىمىن. مىسالى، فرانتسيادا قانشاما ۇلت وكiلدەرi تۇرادى. بiراق، وندا تەك قانا فرانتسۋز ۇلتى عانا بار. ولاي ەتپەيiنشە، قوعام ينتەگراتسيالانبايدى. مەنiڭشە، نازارباەۆ وتكەن جىلعى قازاقستان حالقى اسسامبلەياسى سەسسياسىندا دا وسىنداي يدەيانى ايتتى عوي دەيمiن.

مىسالى، بiزدiڭ سپورتسمەندەر قازاقستاننىڭ اتىنان ونەر كورسەتەدi. ولاردىڭ ۇلتىن انىقتاپ جاتقان ەشكiم جوق، بارلىعىن “قازاقتار” دەپ اتايدى. رەسەيدە دە “قازاقستاندىقتار” دەگەن ءسوزدi قولدانعانىن ەستiگەن جوقپىن، “قازاقتار” دەيدi. شەتەلدiكتەر بiزدiڭ تولقۇجاتىمىزعا ۇلتىمىزدى انىقتاپ جازاتىندىعىمىزدى تۇسiنبەيدi.

– راحمەت!

اڭگiمەلەسكەن ەسەنگۇل كاپقىزى

سوڭعى جاڭالىقتار