10 ناۋرىز 2018, 19:37 2242 0 ءبىلىم Túrkistan Gazeti

انالارعا اقجارما تىلەك اقتارىلعان كۇن

 كوكتەم مەرەكەسىنىڭ قاي كەزدە دە ورنى بولەك. ولاي بولاتىنى، انالارعا  دەگەن ىستىق سەزىم، العىس  پەن قۇرمەت ەشقاشان سونبەك ەمەس. ولار - ءومىردىڭ  گۇلى، كوڭىلدىڭ جىرى، ءار وتباسىنىڭ التىن دىڭگەگى.

انا – ءاربىر ادامنىڭ جارىق دۇنيەدەگى ەڭ جاقىنى، جاناشىرى، قادىرلىسى، قامقورشىسى اق ءسۇتىن بەرىپ ايالاعان جانىن دا اياماعان ارداقتىسى.
كەز كەلگەن ادامنىڭ ادەپتىلىگى مەن جان دۇنيەنىڭ سۇلۋلىعى، ەڭ الدىمەن بالاعا اق ءسۇتىن بەرىپ، الپەشتەپ وسىرگەن انا جۇرەگىنىڭ جىلۋىنان باستالادى. بالا بويىنداعى ەڭ جاقسى قاسيەتتەر الدىمەن انادان تارايدى.

بالاسى ءۇشىن اناسى بارمايتىن قۇرباندىق بار ما؟ انا بولۋ – بۇكىل ومىرىنە كەتەتىن ۇلى رۋحاني كۇش پەن ەرەن ەڭبەك. ءوز بالاسىن باعىپ قاعۋدا، ول انا ءوزىن-ءوزى ۇمىتىپ بارلىق كۇش جىگەرىن سارقا جۇمسايدى.

ال بالانىڭ اناعا دەگەن ماحابباتى جەتكىلىكسىز. ونى بارىنشا قۇرمەتتەپ، سىيلاۋ ءاربىر بالانىڭ پارىزى. كەيبىر بالالار اراسىندا، ءوز اتا-اناسىن جوندەپ سىيلامايتىن، ەڭبەگىنىڭ قادىرىن بىلمەيتىن، ايتقان ءتىلىن المايتىن بالالار دا كەزدەسىپ قالادى. ىلايىم   بالالاردىڭ تاربيەسى ادام قىزىعارلىقتاي بولىپ وسە بەرسە  ەكەن دەگەن  جانە  8 ناۋرىز – حالىقارالىق ايەلدەر كۇنى مەرەكەسىنە وراي ءار اناعا قۋانىش سىيلاۋ ماقساتىندا  الماتى قالاسىنداعى گۇلنار شاحمەتقىزى باسقاراتىن № 109 جالپى ءبىلىم بەرەتىن مەكتەپتىڭ  1 «گ» سىنىبىنىدا «انا – گۇل، انا – ءومىر شۋاعى»  اتتى مەرەكەلىك كەش ۇيىمداستىرىلدى.

بالانىڭ اناعا دەگەن  قۇرمەتتى ناسيحاتتايتىن شاراعا مەكتەپ باسشىلارى، ۇاتازدار مەن انالار قاتىستى. ءتۇرلى – ءتۇستى شار، گۇلدەرمەن بەزەندىرىلگەن ساحنا  مەرەكە يەلەرىنىڭ كوڭىل كۇيىن كوتەرە ءتۇستى.

انانىڭ كوزىنەن نۇر توگىلىپ، جان-جاعىنا شۋاعىن توگەدى. وسى شۋاقپەن جىلىنىپ، اسىل انانىڭ قۇشاعىندا مەيىر الىپ جۇرگەن بالالار – التىن انالارىن قاستەرلەپ، ەڭبەگىن باعالاپ ،بار ونەرلەرىن  ورتاعا سالدى.

انالارىن اسپانداعى اي مەن كۇنگە، جارىق جۇلدىزعا، باعا جەتپەس  اسىل زاتتارعا تەڭەگەن تاقپاقتارى مەن جىرلارىن تارتۋ ەتتى. انا تۋرالى ءان مەن كوڭىلدى بي، ساحنالىق كورىنىستەرى دە كەشتىڭ كوركىن قىزدىرا ءتۇستى. ولاردىڭ ىشىندە كايمبەك سانجار، نۇرلان اقەركە، سادىكوۆا امينا، باتكەەۆ جانايدار، كوجابەك ايشا، تلەشوۆ ايكەن، ابدۋلجان اقەركە، ومار نۇراي، مۇرات انەل، بەكتۇرعان الۋا، عانيۇلى باۋىرجان، جانىسبەك ديار،تۇرسىنحان سايات ەرەكشە ونەرلەرىمەن كوزگە ءتۇسىپ، كورەرمەن قاۋىمدى ءتانتى ەتتى.

كەش سوڭىندا بالالار انالارىنا دەگەن العىسى رەتىندە سىيعا  ءوز قولدارىنان جاساعان گۇل شوقتارىن  تابىس ەتتى. كوكتەمنىڭ  شۋاقتى مەرەكەسى  قارساڭىنداعى ۇيىمداستىرىلعان وسى كەش انالار قاۋىمىنا ەرەكشە قۋانىش پەن شاتتىق سىيلادى.

 

                                                                            تۇرار يۋسۋپوۆا،

        № 109 جالپى ءبىلىم بەرەتىن مەكتەپتىڭ باستاۋىش سىنىپ مۇعالىمى

 

 

 

سوڭعى جاڭالىقتار