2 ناۋرىز 2018, 10:18 1875 0 نارىق انار لەپەسوۆا

نارىق: ەلىمىزدە كوكونىس باعاسى قىمباتتاپ، داقىلدار ارزاندادى

ەلىمىزدە جەمىس-جيدەك پەن كوكونىستىڭ باعاسى ايتارلىقتاي قىمباتتاعان. 

Energyprom.kz مونيتورينگتىك اگەنتتىگىنىڭ مالىمەتىنە سۇيەنسەك، وتكەن ايدا قيار 9,1%-عا قىمباتتاسا، قىزاناق —8,9 %-عا. وتاندىق بازارلاردا ورامجاپىراقتىڭ (5,4%-عا), پيازدىڭ (3,9%-عا), ءسابىزدىڭ (2,6%-عا) جانە كارتوپتىڭ (2,3%-عا) باعالارى وسكەنى بايقالادى.

جەمىس-جيدەك بولىمىندە دە پرايس ءبىرشاما وزگەردى. بانان 3,6%-عا قىمباتتاسا، الما – 1,2%-عا.

بۇلارمەن سالىستىرعاندا ءسۇت تاعامدارىنىڭ باعاسى الدەقايدا تۇراقتى — قايماقتان جاسالعان سپرەدتىڭ قۇنى 1,8%-عا ارتسا، ىرىمشىك نەبارى 1%-عا قىمباتتاعان.

مارگارين (+1,1%) مەن اراقتىڭ (+1,1%) دا باعالارىندا ءسال وزگەرىس بار. ال شوشقا ەتى 1%-عا قىمباتتادى.

ەلىمىزدە قىستىڭ سوڭىنا قاراي تسيترۋس جەمىستەردىڭ باعاسى ازداپ تومەندەدى. اپەلسيننىڭ قۇنى 0,9%-عا جانە ليمون 0,4%-عا ارزان تۇرادى.

قازاقستاندىقتار تومەندەتىلگەن باعامەن قاراقۇمىق (- 4,6%), بۇرشاق (- 0,5%), تارى (- 0,2%), سونىمەن بىرگە كۇرىش (- نا 0,1%) ساتىپ العان.

ال تاۋىق ەتى، تاۋىقتىڭ سانى مەن جۇمىرتقا باعاسى تيىسىنشە 0,1%، 0,9% جانە 2,1%-عا تومەندەپتى. مايشاباق تا 0,1%-عا ارزانداعان.

ماكارون 0,3%-عا، ۇن 0,1%-عا، ءشاي مەن تۇز — 0,2%-عا ارزانىراق بولدى.

 

سوڭعى جاڭالىقتار