25 قىركۇيەك 2017, 10:34 1411 0 ەكونوميكا انار لەپەسوۆا

جاڭا سمارتفونداردىڭ السىزدىگىنەن Apple ءبىر اپتادا 43 ملرد. دوللارىن جوعالتتى

22 قىركۇيەكتە ساتىلىمعا شىققان Apple Watch Series 3 ساعاتىنىڭ جەلىگە قوسىلۋ فۋنكتسياسىنان اقاۋ شىققانى تۋرالى اقپارات تاراعان سوڭ Apple 43 ملرد. دوللار شىعىنعا ۇشىرادى. بۇل تۋرالى Financial Times باسىلىمى NASDAQ بيرجاسىنا سىلتەمەمەن حابارلايدى.

جۋىردا عانا Apple كومپانياسى جارىققا جاڭا Iphone 8 بەن Iphone ح سمارتفونىن شىعارىپ، الەمدى اۋزىنا قاراتقان بولاتىن. وكىنىشكە قاراي، سوڭعى ءبىر اپتا ىشىندە Apple 43 ملرد. دوللار شىعىنعا ۇشىرادى. بۇل سوڭعى 17 اي ىشىندە بولماعان قۇلدىراۋ بولىپ تىركەلدى. تاعى ءبىر سەبەپ Iphone 8 بەن Iphone 8 Plus سمارتفوندارىنىڭ كەيبىر ءالسىز تۇستارى مەن تۇتىنۋشىلاردىڭ ازايىپ كەتۋى. وعان سمارتفوننىڭ جاڭا نۇسقاسىنىڭ «Iphone 7-دەن» كوپ ايىرماشىلىعىنىڭ بولماۋى اسەر ەتكەن.

ادامدار از عانا ايىرماشىلىعى بار نۇسقا ءۇشىن قىرۋار اقشا شىعىنداعىسى كەلمەگەن كورىنەدى. وسى فاكتورلاردىڭ اسەرىنەن الدىمىزداعى جۇما كۇنى عانا Apple نارىعى 1.6%-عا قۇلدىرادى. ەستەرىڭىزگە سالا كەتەيىك، Apple كومپانياسى 12 قىركۇيەك كۇنى جاڭا Iphone سمارتفوندارىن تانىستىرعان بولاتىن.

سوڭعى جاڭالىقتار