22 شىلدە 2017, 14:53 1201 0 قوعام دينارا مىڭجاسارقىزى

Google: قازاقستان جۇزدەگەن ماتەريالدى جويۋدى سۇرادى

Google: قازاقستان جۇزدەگەن ماتەريالدى جويۋدى سۇرادى. 2016 جىلى قازاقستان Google كومپانياسىنا 20-دان استام ءوتىنىش جازىپ، 268 ماتەريالدى جويۋدى سۇراعان.

وتىنىشتەردىڭ باسىم بولىگى مەملەكەتتىك ورگاندار كەلگەن. تەك ءبىر ءوتىنىش سوتتان تۇسكەن. سوتتىڭ ءوتىنىشى قاناعاتتاندىرىلماعان. بۇل تۋرالى كومپانيانىڭ ارنايى ەسەبىندە جاريالاندى.
قازاقستان كومپانيادان ۇلتتىق قاۋىپسىزدىككە قاتىستى، زورلىق-زومبىلىقتى ناسيحاتتايتىن، جەكە باس قۇپياسى بار جانە مەملەكەتتى سىناعان كونتەنتتەردى جويۋدى سۇراعان. Google 2016 جىلدىڭ العاشقى جارتىسىندا قازاقستان ۇكىمەتى سۇراعان ماتەريالداردىڭ 36 پايىزىن، ەكىنشى جارتىسىندا 20 پايىزىن عانا جويعان.
"قازاقستاننان كەلگەن وتىنىشتەردىڭ كوبىن جويا المادىق. مەملەكەتتىڭ كەي وتىنىشتەرىن دە ناقتىلىق جوق، سەبەبىن اشىپ كورسەتپەگەن" دەپ جازىلعان كومپانيانىڭ ەسەبىندە.
قازاقستان ۇكىمەتى 2009-2006 جىلى Google كومپانياسىنا 56 رەت ءوتىنىش جازىپ، 960 ماتەريالدى الىپ تاستاۋدى سۇراعان. .

سوڭعى جاڭالىقتار