27 ماۋسىم 2017, 10:42 1104 0 جاھان انار لەپەسوۆا

اقش جوعارعى سوتى ترامپتىڭ كەيبىر مۇسىلمان ەلدەرىنە ۆيزا بەرمەۋ تۋرالى جارلىعىن قولدادى

اقش-تىڭ جوعارعى سوتى پرەزيدەنت دونالد ترامپتىڭ بىرقاتار مۇسىلمان ەلدەرىنە ۆيزا بەرمەۋ جونىندەگى جارلىعىنىڭ كۇشىن قالپىنا كەلتىردى. بۇل جونىندە اسسوشيەيتەد پرەسس اگەنتتىگىنە سىلتەمە جاساپ ورتالىق ازيانىڭ جاڭالىقتار قىزمەتى حابارلادى. 

قاۋلىدا جوعارعى سوت ءىستى سوڭىنا دەيىن اياقتامايىنشا، پرەزيدەنتتىڭ ناۋرىز ايىنداعى جارلىعىنىڭ كۇشى جارتىلاي قايتارىلادى دەگەن. كەزەكتى سوت وتىرىسى قازان ايىنا بەلگىلەنگەن.

ماۋسىم ايىنىڭ باسىندا ترامپ اپەللياتسيالىق سوتتىڭ شەشىمىن قايتا قاراۋ جونىندە جوعارعى سوتقا شاعىمدانعان.

وسىنىڭ الدىندا فەدەرالدى سوت ەكى رەت ترامپتىڭ يمميگراتسيا جونىندەگى جارلىعىنىڭ كۇشىن جويعان. جارلىققا سايكەس، جەتى مۇسىلمان ەلىنىڭ (يران، يراك، ليۆيا، سومالي، سۋدان، سيريا جانە يەمەن) ازاماتتارىنا اقش-قا ۆيزا بەرۋگە ۋاقىتشا تىيىم سالعان.

سوڭعى جاڭالىقتار