29 ءساۋىر 2015, 14:31 3695 0 رۋحانيات "تۇركىستان" گازەتىنىڭ اۆتورلارى

ستۋدەنتتەردىڭ ايتىسكەرلىگى قازىلار القاسىن ءتانتتى ەتتى

 قازاق حاندىعىنىڭ 550 جىلدىعىنا ارنالعان ايتىس ستۋدەنتتەر اراسىندا تۇڭعىش رەت ۇيىمداستىرىلدى. «ءتول تاريحىم – تامىرىم» دەپ اتالاتىن ءسوز سايسى ءال-فارابي اتىنداعى قازۇۋ، جۋرناليستيكا فاكۋلتەتىندە ءوتتى. جىر دوداسىنا جوعارى وقۋ ورىندارىنىڭ ىرىكتەلگەن ايتىسكەر اقىندارى قاتىستى.

ايتىسقا اقىن ابدىعاني ءبازىلحان، كاسىپكەر بەكتۇرعان زەينەلۇلى باستاعان بىرنەشە كاسىپكەر قارجىلاي دەمەۋشىلىك جاساعان. «بۇل جىر دوداسىن جاس اقىنداردىڭ تالانتىن شىڭداي ءتۇسۋ ءۇشىن جانە رۋحاني ءتول قازىنامىز ايتىستى ناسيحاتتاۋ ءۇشىن ۇيىمداستىرىپ وتىرمىز. تاريحي ۇلى تۇلعالاردى، باتىرلارىمىزدى، بيلەرىمىزدى، الاش ارداقتىلارىن ۇلىقتاپ، ەرلىكتەرىن ناسيحاتتاي وتىرىپ، جاستاردى وتانشىلدىققا، بىرلىككە، ىنتىماققا تاربيەلەۋ ماقساتىن كوزدەدىك»، ­– دەيدى يۋنەسكو، حالىقارالىق جۋرناليستيكا جانە قوعاممەن بايلانىس كافەدراسىنىڭ مەڭگەرۋشىسى نازگۇل شىڭعىسوۆا.

سۋىرىپ سالما جىر بايگەسىن قازاققا تانىمال ايتىسكەر ايبەك قاليەۆ جۇرگىزدى. جاس اقىنداردىڭ الما كەزەك ايتىسى ءۇش ساعاتقا ۇلاسىپ، ءتورت جەڭىمپازعا  جۇلدە تابىستالدى. ءسوز سايىسىن ايتىس جاناشىرى، اقىن ءجۇرسىن ەرمان، فيلولوگيا عىلىمدارىنىڭ دوكتورى، پروفەسسور باۋىرجان جاقىپ تەڭ توراعالىق ەتكەن، قۇرامىندا جۋرناليستيكا فاكۋلتەتىنىڭ دەكانى ساعاتبەك مەدەۋبەكۇلى، پروفەسسور ايگۇل ىسماق، ايتىسكەر اقىن قايرات قۇلمۇحامەت   بار قازىلار تارزىعا سالدى. الامان ايتىسقا اياق باسقان جاستاردىڭ ىنتاسى قازىلاردى ءتانتتى ەتتى. توپتان وزعان التىنبەك يبراگيموۆ پەن ايات جانىبەك ءىىى ورىن، ايتىسكەر ەرزات ءارىن II ورىن، ايدانا قايسابەك ءى ورىن جۇلدەسىن قانجىعاسىنا بايلادى. ال، قارسىلاستارىنا قاپەلىمدە ۇتقىر سوزبەن قارىمتا جاساعان ايتبەك تۇرسىنباەۆ باس جۇلدەنى يەلەندى.

العاش رەت ستۋدەنتتەر اراسىندا ۇيمداستىرلسا دا، اقىندار قازاق حاندىعىنىڭ قۇرۋلى تاريحىنا تەرەڭ بويلاپ،  جاۋھار ءسوزدىڭ ونەرنەگىن كەستەلەدى. جاس اقىنداردىڭ بىلمپازدىعىنا سۇيىنگەن ءجۇرسىن ەرمان، ايتىسكەر ايبەك قاليۆتەر الاماندا توماعا تارتۋعا ازىرلەنگەن جاستارعا اق تىلەكەرىن ايتىپ، باتاسىن بەردى.

ايجان توقشىلىقوۆا، ءال-فارابي اتىنداعى قازۇۋ،

جۋرناليستيكا فاكۋلتەتىنىڭ 3-كۋرس ستۋدەنتى

سوڭعى جاڭالىقتار