15 ءساۋىر 2015, 16:57 5692 0 جاھان ەركەجان جۇماتاي

مۇناي ەكسپورتتاۋشى ەلدەر مۇناي ءوندىرۋ كولەمىن قىسقارتا ما؟

اقش پرەزيدەنتى يراننىڭ يادرولىق باعدالاماسىنا قاتىستى كونگرەسس تالابىنا كوندى. ءسويتىپ، باراك وباما Cەناتتىڭ حالىقارالىق كوميتەتىندە قوس پارتيانىڭ دا قولداۋىنا يە بولعان زاڭ جوباسىنا قول قوياتىن بولدى. ەندى كونگرەسكە يرانعا قاتىستى كەز-كەلگەن كەلىسىمدى قابىلداماۋعا قۇقىق بەرىلمەك. 2-ساۋىردە يران مەن «التىلىق» ەلدەرى يراننىڭ يادرولىق باعدالاماسىنا بايلانىستى ورتاق كەلىسىم جاساستى. وعان سايكەس قۇراما شتاتتار مەن ەۋرووداق تەگاراندى كوپجىلدىق ەكونوميكالىق سانكتسيالاردان بوساتۋى ءتيىس.

كەلىسىمگە 30-ماۋسىمدا قول قويىلادى دەپ كۇتىلۋدە. جەتەكشى ەلدەر يرانعا حالىقارالىق سانكتسيادان قۇتىلۋ ءۇشىن، يادرولىق باعدارلامادان باس تارتۋدى ۇسىنعان. تاياۋدا يراننىڭ مۇناي ءمينيسترى بيدجان نامدار زانگانە: «مۇناي ەكسپورتتاۋشى ەلدەر ۇيىمى (مەەۇ) مۇشە ەلدەر مۇناي ءوندىرۋ كولەمىن 5% -عا نەمەسە شامامەن 1,5 ميلليون باررەلگە قىسقارتۋى كەرەك»، - دەگەن مالىمدەمە جاسادى دەپ حابارلايدى Reuters. وتكەن جىلدىڭ قاراشاسىندا مەەۇ ەلدەرى مۇناي قۇنىنىڭ تومەندەپ بارا جاتقانىنا قاراماستان، ونىڭ مولشەرىن بۇرىنعىداي 30 ميلليون باررەل كۇيىندە قالدىرۋدى شەشكەن. بۇل - مۇناي كوتيروۆكاسىن ودان سايىن قۇلدىراتتى. وسىدان از ۋاقىت بۇرىن زانگانە «مەەۇ ۇيىمى وزىنە قاراستى مەملەكەتتەردەگى مۇناي ءوندىرۋ مەن ونى تاسىمالداۋ ءىسىن ۇيلەستىرە الادى»، - دەگەندى دە ايتقان ەدى. ال، الەمدەگى ەڭ ءىرى مۇناي ەكسپورتتاۋشى ەل ساۋد ارابياسى جۋىردا عانا مۇناي ءوندىرۋ كولەمىن قىسقارتپايتىنىن مالىمدەگەن. بۇل ەلدەگى ءوندىرىس كولەمى رەكوردتىق دەڭگەيگە، ياعني، تاۋلىگىنە 10,3 ميلليون باررەلگە جەتىپ وتىر. ايتا كەتەيىك، وتكەن جىلدىڭ جازىنان بەرى الەمدەگى مۇناي قۇنى 110 دوللاردان 59 دوللارعا دەيىن قۇلدىراپ وتىر.

سوڭعى جاڭالىقتار