15 ءساۋىر 2015, 11:23 3273 0 جاڭالىقتار اسەل انۋاربەك

جەرورتا تەڭىزىندە كەمە اپاتىنان 400 ادام قازا تاپتى

ليۆيادان يتالياعا باعىت العان كەمە جەرورتا تەڭىزىندە اپاتقا ۇشىرادى. كەمە اپاتىنان 400 ادام قاز تاپقان.
مۇنداي اقپاراتتى «Save the Children» گۋمانيتارلىق ۇيىمىنىڭ مالىمەتىنە سۇيەنگەن يتاليانىڭ اقپارات قۇرالدارى حابارلاعان. ال اتالمىش ۇيىمعا كەمە اپاتى تۋرالى حابارلامانى اپاتتان ءتىرى قالىپ، يتالياعا جەتكەن ادامدار جەتكىزىپتى. كەمە اپاتىنان قازا بولعاندار – يتالياعا زاڭسىز جولمەن بارا جاتقان ەميگرانتتار ەكەن.
وسىدان 2 اپتا بۇرىن وحوت تەڭىزىندە اپاتقا ۇشىراعان «دالني ۆوستوك» كەمەسىندەگى بارلىق شەتەلدىك ازاماتتار رەسەي اۋماعىندا زاڭسىز قىزمەت ەتتى دەپ ايىپتالىپ، ولارعا ايىپپۇل سالىناتىندىعى تۋرالى ەسكەرتىلگەن. كەمە اپاتىنان امان قالعان 26 شەتەلدىك ازاماتقا 2 مىڭ رۋبلدەن ايىپپۇل سالىنعان بولاتىن. ال كەمە اپاتىندا قازا تاپقان 19 شەتەلدىك ازاماتتىڭ دەنەسى چارتەرلىك رەيسپەن ءوز وتاندارىنا جىبەرىلمەك. بۇل تۋرالى «ريا نوۆوستي» حابارلادى.

سوڭعى جاڭالىقتار