17 قاڭتار 2017, 09:01 1478 0 قوعام دينارا مىڭجاسارقىزى

«ۋنيۆەرسيادا – 2017» ويىندارىنا ساتىپ الىنعان بيلەتتەر اراسىندا ۇتىس ويىنى ءوتتى

2017 جىلدىڭ 11 قاڭتارىنا دەيىن «ۋنيۆەرسيادا – 2017» ويىندارىنا ساتىپ الىنعان بيلەتتەر اراسىندا وتكىزىلگەن ۇتىس ويىنىنىڭ ءبىرىنشى كەزەڭى اياقتالدى. باعى جانعان 12 ادام ۋنيۆەرسيادا ۇيىمداستىرۋشىلارىنان جانە قىسقى ويىنداردىڭ رەسمي سەرىكتەستەرىنەن باعالى سىيلىقتاردى الماق.

«ۋنيۆەرسيادا-2017» ۇتىس ويىنى­نىڭ ءبىرىنشى كەزەڭىندە ۇتقان بيلەتتەردىڭ ءتىزىمى 2017 جىلى الماتىدا وتەتىن ححVIII دۇنيەجۇزىلىك قىسقى ۋنيۆەر­سيادانىڭ رەسمي سايتىندا جانە Facebook پاراقشاسىندا (https://www.facebook.com/ Almaty2017
WU/ ؟fref=ts) جاريالاندى.
ۇيىمداستىرۋشىلاردىڭ حا­بار­­­­­­لاۋىنشا، ۇتىستاردى الۋ ءۇشىن ححVIII دۇنيەجۇزىلىك قىسقى ۋنيۆەرسيادا ديرەكتسياسىنا مىنا مەكەنجاي بويىنشا حابارلاسۋ قاجەت: الماتى ق.، بايزاقوۆ ك.، 280, سولتۇستىك مۇنارا نەمەسە 8 (727) 313 23 25 تەلەفونىنا قوڭى­راۋ شالۋعا بولادى.
2016 جىلدىڭ 20 جەلتوقسا­نىندا باستالعان جۇلدەلەردىڭ ۇتىس ويىنى ەكى كەزەڭدە وتكىزىلەدى. ۋني­ۆەرسيادا اياسىنداعى سپورتتىق وقي­عالارعا بيلەت ساتىپ العان جاسى 18-دەن اسقان كەز كەلگەن قا­زاقستان رەسپۋبليكاسىنىڭ ازا­ماتى ۇتىس ويىنىنا قاتىسا الادى. ۇتىس ويىن ساتىپ الىنعان بي­لەتتىڭ بىرەگەي توعىز تاڭبادان تۇراتىن نومىرىنە قاراپ وتكىزىلەدى. شاقىرۋ بيلەتتەرى جانە قۇنى جوق بيلەتتەر ۇتىس ويىنىنا قاتىسا المايدى.
2017 جىلدىڭ 8 اقپانىنا دەيىن ساتىپ الىنعان بيلەتتەردىڭ بار­لىعى ۇتىس ويىنىنىڭ ەكىنشى كە­زەڭىنە قاتىسادى. ەكىنشى كەزەڭدە ساپپوروداعى ازيا ويىندارىنا 2 ساياحات، سونداي-اق «بازيس-ا» كور­پوراتسياسىنىڭ ۇسىنىپ وتىرعان سۋپەر جۇلدەسى – «المالى» تۇرعىن اۋدانىندا ورنالاسقان ەكى بولمەلى پاتەر ۇتىسقا سالىنادى.
«المالى» تۇرعىن اۋدانى «با­زيس» قۇرىلىس كومپانياسى سالعان ۋنيۆەرسيادانىڭ باس نىسانى – Almaty Arena مۇز سارايىنىڭ قارسى جاعىندا ورنالاسقان. «با­زيس-ا كورپوراتسياسى» جشس باس­قارما توراعاسى پاۆەل بەلوۆيچ «Aلماتى-Aرەنا» مۇز سارايىن سا­لىپ جاتقان كەزدىڭ وزىندە وسى اۋ­داننىڭ دامۋ كەلەشەگى جوعارى دەپ باعالانعانىن اتاپ ءوتتى.
– ءبىز دامىپ جاتقان اۋداننىڭ الەۋەتىن بايقاپ، ۋنيۆەرسيادا باس نىسانىنىڭ قارسى جاعىندا جاڭا ءارى جايلى «المالى» تۇرعىن اۋدانىن سالۋ جونىندە شەشىم قا­بىلدادىق. ونىڭ ۇستىنە، حا­لىقارالىق جارىستارعا بيلەت ساتىپ العاندار اراسىنداعى ۇتىس ويىنى كەزىندە باس جۇلدە رەتىن­دە «المالىداعى» پاتەردى ۇسىنۋ اي­رىقشا مانگە يە بولادى دەپ ەسەپ­تەدىك، – دەيدى پاۆەل بەلوۆيچ.

سوڭعى جاڭالىقتار