16 قاڭتار 2017, 10:56 1724 0 سپورت انار لەپەسوۆا

ۋنيۆەرسيادا جانكۇيەرلەرىن قاي سپورت تۇرلەرى ەرەكشە قىزىقتىرۋدا؟

ۋنيۆەرسياداعا دايىندىق جانە ونى وتكىزۋ ديرەكتسياسىنىڭ وكىلدەرى جارىسقا بيلەتتەردىڭ قالاي ساتىلىپ جاتقانى تۋرالى حابارلادى. ۋنيۆەرسيادانىڭ رەسمي سايتىندا جاريالانعان مالىمەتكە سۇيەنسەك،  2017 جىلعى 13 قاڭتاردا ساتىلعان بيلەتتەر سانى 71 220-نى قۇراعان.

قازاقستاندىق كورەرمەندەر مەن قوناقتار اراسىندا كوش باستاعان ۇشتىككە ەرلەر اراسىنداعا حوككەي جارىسى، شورت-ترەك، مانەرلەپ سىرعاناۋ سپورت تۇرلەرى كىرەدى. بۇگىندە ەرلەر اراسىنداعى شايبالى حوككەي بويىنشا جارتىلاي فينال مەن فينالعا 80 پايىزدان استام بيلەتتەر ساتىلىپ كەتكەن.

«پلەي وفف» پەن توپتىق ماتچتارعا دا بيلەتتەر بەلسەندى ساتىلۋدا. ستاتيستيكا جانكۇيەرلەر ەرلەر مەن ايەلدەردىڭ مانەرلەپ سىرعاناۋ جارىسىنا بيلەتتىڭ 60 پايىزدان استامى ساتىلعانىن كورسەتتى. ديرەكتسيا وكىلدەرىنىڭ مالىمەتتەرىنشە، كورەرمەندەر شورت-ترەك جارىسىنا ۇلكەن قىزىعۋشىلىق تانىتۋدا، وعان بيلەتتىڭ 70 پايىزى ساتىلىپ كەتكەن.

«بۇل مۋلتيسپورتتىق جوباعا بيلەت ساتۋدىڭ ءوزى - قىزىقتى ءىس، ەلدە العاش رەت ناقتى ۋاقىت رەجىمىندە بىرىڭعاي بيلەت جۇيەسىندە 8 نىساندا وتەتىن 117 جارىسقا بيلەت ساتىلۋدا. بىرىڭعاي بازاعا قولجەتىمدىلىكپەن ءبىر ۋاقىتتا ونلاين، كاسسا ارقىلى ساتۋمەن جانە جۇلدە ۇتىسىمەن، سونداي-اق بيلەت ءنومىرى ارقىلى فينالدا ەكى بولمەلى پاتەر ۇتۋ مۇمكىندىگىمەن بىردەن التى وپەراتور جۇمىس ىستەپ جاتىر»، - دەپ اتاپ ءوتتى جارىستىڭ دەپارتامەنت باسشىسى ۆاديم دەرگاچەۆ.

سوڭعى جاڭالىقتار