14 ءساۋىر 2015, 15:03 2435 0 جاڭالىقتار اسەل انۋاربەك

بورىشكەرلەر اكىمشىلىك جازاعا تارتىلادى

اقمولا وبلىسىنىڭ سوت ورىنداۋشىلارى قارىزىن وتەۋدەن قاشقان بورىشكەردى اكىمشىلىك جاۋاپكەرشىلىككە تارتۋ ماسەلەسىنە باسا نازار اۋدارۋعا شەشىم شىعاردى. مۇنداي مالىمەتتى اقمولا وبلىستىق ادىلەت دەپارتامەنتىنىڭ ءباسپاسوز قىزمەتى جاريالادى.
اكىمشىلىك جاۋاپكەرشىلىككە تارتۋ اليمەنت، جالاقى جانە مەملەكەت كىرىسىنە وندىرىلەتىن اكىمشىلىك ايىپپۇلداردى تولەمەگەندەرگە قاتىستى. وبلىستىق سوت ورىنداۋشىلارىنىڭ سوزىنە سەنسەك، سوت شەشىمىن ورىنداۋدا بورىشكەرلەردى اكىمشىلىك جاۋاپكەرشىلىككە تارتۋ ولارعا ىقپال ەتۋدىڭ باستى تەتىگى بولىپ سانالادى ەكەن. اقمولا وبلىسىندا 2015 جىلدىڭ العاشقى توقسانىندا اكىمشىلىك جاۋاپكەرشىلىككە تارتۋ ءۇشىن 184 ماتەريال سوتقا جىبەرىلگەن. بيىلعى جىلى اكىمشىلىك جاۋاپكەرشىلىككە تارتىلعان بورىشكەرلەر سانى 178-گە جەتىپتى. ولاردىڭ ىشىندە 98-ءى تۇرمەگە قامالسا، 80 بورىشكەر اكىمىشىلىك ايىپپۇل تولەۋگە مىندەتتەلگەن. قارىزىن وتەمەگەندەردى اكىمشىلىك جاۋاپكەرشىلىككە تارتۋدىڭ ناتيجەسىندە وندىرىلەتىن سوما دا ۇلعايادى. مىسالى، جىل باسىنان بەرى قاراي 14093 اتقارۋ قۇجاتى ءتامامدالىپ، 5 ميلليارد تەڭگە كولەمىندەگى قارجى ءوز يەسىن تاۋىپتى. سوندىقتان، سوت ورىنداۋشىلارى بورىشكەرلەردى اكىمشىلىك جاۋاپكەرشىلىككە تارتۋ ءىسىن توقتاتپاق ەمەس.

سوڭعى جاڭالىقتار