27 جەلتوقسان 2016, 15:44 2065 0 مۋلتيمەديا دينارا مىڭجاسارقىزى

استانا اكىمدىگى جاريالاعان ەرەكشە بايقاۋ

كەلە جاتقان جاڭا جىل بىرەۋلەر ءۇشىن شىنىمەن دە ەرتەگىگە اينالادى. مەرەكە قارساڭىندا استانا اكىمدىگى ەڭ ۇزدىك جاڭاجىلدىق بەينەقۇتتىقتاۋعا بايقاۋ جاريالادى، دەپ حابارلادى astana.gov.kz.

بايقاۋ اياز اتانىڭ اتىنان ينستاگرامداعى (ayazata_official) رەسمي پاراقشادا جۇرگىزىلەدى. جارىسقا نيەت بىلدىرگەن ءار ادام قاتىسا الادى. ول ءۇشىن ەلوردا تۇرعىندارىنا ارنالعان ءوز قۇتتىقتاۋىن جۇكتەۋ قاجەت، ال سيپاتتامادا «@ayazata_official» بايقاۋى جانە #سنوۆىمگودوماستانا2017 حەشتەگىن قويۋ كەرەك. قاتىسۋشىنىڭ پاراقشاسى بايقاۋ اياقتالعانشا اشىق تۇرۋعا ءتيىس. بەينەقۇتتىقتاۋلار 2016 جىلدىڭ 30 جەلتوقسانى ساعات 23:59-عا دەيىن قابىلدانادى. ەرەكشە يدەيانىڭ اۆتورى IPhone 7 يەگەرى اتانادى. بايقاۋ قورىتىندىسى 31 جەلتوقسان كۇنى ساعات 15:00-دە «حان شاتىر» سوسو-ىندا شىعارىلادى.

سوڭعى جاڭالىقتار