23 جەلتوقسان 2016, 15:43 1335 0 جاھان انار لەپەسوۆا

قىتايلىق وتباسىلاردىڭ 50 پايىزى ەكىنشى رەت ءسابي سۇيگىسى كەلمەيدى

قىتايدا «ءبىر بالا» ساياساتىنىڭ توقتاتىلعانىنا قاراماستان ەلدەگى ءبىر پەرزەنتى بار وتباسىلاردىڭ 50 پايىزى ەكىنشى بالالى بولعىسى كەلمەيدى. بۇكىلقىتايلىق ايەلدەر قاۋىمداستىعى جۇرگىزگەن زەرتتەۋ قورىتىندىسى وسىنداي ناتيجە كورسەتىپ وتىر.

ساۋالناما قىتايدىڭ 10 پروۆينتسياسىندا 2016 جىلدىڭ ءساۋىر ايىنان باستاپ جۇرگىزىلگەن. زەرتتەۋگە 15 جاسقا دەيىنگى ءبىر بالاسى بار 10 مىڭنان استام وتباسى قاتىسقان. ناتيجەسىندە قىتايلىق وتباسىلاردىڭ 53,3 پايىزى ەكىنشى بالا وسىرگىسى كەلمەيتىنى، ال 26,6 پايىزى بۇل ماسەلە جونىندە ناقتى شەشىم قابىلداماعانى بەلگىلى بولدى. ساۋالناماعا قاتىسقانداردىڭ 20,5 پايىزى عانا ەكىنشى رەت اتا-انا اتانعىسى كەلەدى. ەكىنشى مارتە ءسابي سۇيگىسى كەلمەيتىندەردىڭ كوپشىلىگى –پەكين قالاسىنىڭ تۇرعىندارى(62 پايىز).

ەكىنشى بالانى ومىرگە اكەلۋگە قۇلىقسىزدىق سەبەبىن قىتايلىقتار ءبىلىم الۋ، دەنساۋلىق ساقتاۋ جانە وزگە دە الەۋمەتتىك ماسەلەلەرمەن بايلانىستىرعان. ايەلدەردىڭ كوپشىلىگى بالا باعۋعا جانە ءۇي شارۋاسىنا ارنالعان ۋاقىت پەن ەڭبەك ۋاقىتىنىڭ دۇرىس بولىنبەگەنىن اتاپ كورسەتكەن.

سوڭعى جاڭالىقتار