23 جەلتوقسان 2016, 15:26 1393 0 سىرتقى ساياسات دينارا مىڭجاسارقىزى

الەپپو تولىقتاي ازات ەتىلدى

سيريانىڭ ۇكىمەتتىك اسكەرى شىعىس بولىگى كوپ ۋاقىت بويى كوتەرىلىسشىلەردىڭ باقىلاۋىندا بولعان الەپپونى باقىلاۋعا العانىن رەسمي تۇردە جاريالادى، - دەپ حابارلايدى BBC News.

سيريا اسكەرى ءوز مالىمدەمەسىندە الەپپونى الۋىن "تەرروريزممەن كۇرەستەگى ستراتەگيالىق تۇبەگەيلى وزگەرىس" دەپ اتاپ وتىر. "سيريا اسكەرىنىڭ قولباسشىلىعى الەپپو قالاسىنا بەيبىتشىلىك پەن قاۋىپسىزدىك ورناعانىن جاريالايدى", - دەلىنگەن اسكەر قولباسشىلىعىنىڭ مالىمدەمەسىندە. باسىلىمنىڭ مالىمەتىنشە، اسكەريلەر قالانىڭ شىعىس بولىگىنەن كوتەرىلىسشىلەر مەن بەيبىت تۇرعىندار كەتىپ قالعان، سوندىقتان ەندى باقىلاۋ تولىقتاي قالپىنا كەلتىرىلدى.

الەپپونىڭ شىعىسىنداعى كوتەرىلىسشىلەر مەن بەيبىت حالىقتى ەۆاكۋاتسيالاۋ بويىنشا وپەراتسيا 15 جەلتوقساندا باستالعانى حابارلانىپ وتىر. بۇل وپەراتسيانى رەسەي ءوز ارەكەتىن تۇركيامەن كەلىسە وتىرىپ، جۇرگىزگەن. باسىلىمنىڭ ماىلىمەتىنشە، ەۆاكۋاتسيا كەزىندە ۇزىلىستەر بولعان، سەبەبى سيريالىق ۇكىمەت پەن كوتەرىلىسشىلەر ءبىر-ءبىرىن وق اتۋدى توقتاتۋ تۋرالى ۋاعدالاستىق شارتتارىن بۇزدى دەپ ءاردايىم ايىپتاۋمەن كەلگەن.

قالانىڭ شىعىس بولىگىنەن جالپى 35 مىڭ ادامنىڭ قاۋىپسىز جەرگە كوشىرىلگەنى ايتىلادى. شىعىس الەپپو كوتەرىلىسشىلەردىڭ باقىلاۋىندا ءتورت جىل، ال سوڭعى ەكى جىلى قورشاۋدا بولعان.

ەسكە سالايىق، 19 قىركۇيەكتە بۇۇ قاۋىپسىزدىك كەڭەسى الەپپودا ادام قۇقىقتارىن ساقتاۋعا باقىلاۋدى قامتاماسىز ەتەتىن رەزوليۋتسيانى قابىلداعان ەدى. رەسەي بۇل رەزوليۋتسيانى قولدادى. بۇعان دەيىن بۇۇ ەكى جىل قورشاۋدا بولعان شىعىس الەپپودا ۇكىمەت اسكەرى بەيبىت تۇرعىندارعا ءزابىر كورسەتۋى مۇمكىن ەكەنىن حابارلاعان بولاتىن. سونداي-اق، كەيبىر باتىس ەلدەرى مەن باق-تار رەسەيلىك جانە سيريالىق اۆياتسيانى بەيبىت تۇرعىنداردىڭ قازاسىنا اكەپ سوعاتىن ارەكەتتەرى جايلى ايتقان ەدى. ال ءوز كەزەگىندە سيريالىق جانە رەسەيلىك بيلىك مۇنداي حابارلامالاردى بۇرمالاۋ دەپ اتادى.

سوڭعى جاڭالىقتار