23 جەلتوقسان 2016, 13:08 1531 0 قوعام اقنيەت وسپانباي

رونالدۋ-مەسسي. پورتۋگاليا ويىنشىسى الدا

ايگىلى فۋتبولشىلار ليونەل مەسسي مەن كريشتيانۋ رونالدۋدى الەمدىك ءباسپاسوز ىلعي سالىستىرىپ وتىرادى. ەكەۋىنىڭ العان اتا-دارەجەسىن ساناپ، ءتىپتى رەيتينگىن جاساۋ ءۇشىن باق بەتتەرىندە ەسىمدەرى نەشە رەت اتالعانىن ساناپ شىعادى. بيىل دا الەمدىك باق ءۇشىن مەسسيدىڭ ءوز ەلىندە ەڭ ۇزدىك سپورتشى اتاعىنان قۇر قالۋى سەنساتسياعا اينالدى.

ارگەنتينادا جىلدىڭ ەڭ ۇزدىك سپورتشىسى تاڭدالدى. تىلشىلەر اراسىنداعى داۋىس بەرۋ قورىتىندىسى بويىنشا تەننيسشى حۋان-مارتين دەل پوترو جىل ۇزدىگى اتاندى.

d8d094ae3f6b206e43bdf9fe4f49cab0_resize_w_520_h_

«وليمپيا-دە-ورو» ماراپاتى ارگەنتينادا جىل سايىن تابىستالىپ كەلەدى. بيىل بۇل سىيلىقتى ريوداعى وليمپيادا ويىندارىنىڭ كۇمىس جۇلدەگەرى، ارگەنتينا قۇراماسىنىڭ دەۆيس كۋبوگىن جەڭىپ الۋىنا سۇبەلى ۇلەس قوسقان تەننيسشى حۋان-مارتين دەل پوترو يەلەندى. ول داۋىس بەرۋدە كاتالوندىق «بارسەلونانىڭ» ۇزدىك سۇرمەرگەنى ليونەل مەسسيدى باسىپ وزدى. «مەسسي دە بۇل ماراپاتقا لايىقتى. ەلى ءۇشىن ەڭبەك ءسىڭىرىپ ءجۇر. مەنىڭ بۇل ماراپاتتى العانىم ءسال ادىلەتسىزدەۋ دە بولعان شىعار. بىراق ءبىز سىزدەردىڭ قولداۋلارىڭىزدىڭ ارقاسىندا ەلىمىزدە تانىتا تۇسەتىن بولامىز»، - دەدى حۋان-مارتين دەل پوترو «La Nacion» باسىلىمىنا بەرگەن سۇحباتىندا.

ال وسى ۋاقىتتا ەڭ تانىمال فۋتبولشىلاردىڭ ءبىرى،  «رەال» مەن پورتۋگاليا قۇراماسىنىڭ شابۋىلشىسى - كريشتيانۋ رونالدۋ  پالەستينادا جىل ادامى اتاندى.

1 200 ادام جينالعان سالتاناتتى شاراعا پالەستينا پرەزيدەنتى ماحمۇد ابباس تا كەلدى. فۋتبولشى «سپورتتىق جانە ادامگەرشىلىك قاسيەتى» ءۇشىن ماراپاتتالدى.

بيىلعى جىلدىڭ ناۋرىزىندا رونالدۋ بومبالاۋدىڭ سالدارىنان جەتىم قالعان بەس جاسار پالەستينالىق بالامەن كەزدەسكەن بولاتىن. تاياۋ ۋاقىتتا ناگرادا يسپانياعا جەتكىزىلىپ، پورتۋگاليالىققا تابىستالۋى ءتيىس.

 



 

 

 



 

 

تەگتەر رونالدۋ مەسسي

سوڭعى جاڭالىقتار