13 ءساۋىر 2015, 15:53 3515 1 جاھان ءنازيا جويامەرگەنقىزى

تۇركى مەملەكەتتەرىنە ورتاق تەلەارنا اشىلادى

بىلتىر تۇركيانىڭ بودرۋم قالاسىندا وتكەن تۇركى كەڭەسىنىڭ IV سامميتىندە قازاقستان پرەزيدەنتى تۇركى مەملەكەتتەرىنە ورتاق تەلەارنا اشۋ تۋرالى باستاما كوتەرگەن ەدى. «ءال-جازيرا، ۆۆس سياقتى ول تەلەارنا تۇركى دۇنيەسىن الەمگە ناسيحاتتاۋدا وڭ رول اتقاراتىنىن»، – دەگەن نۇرسۇلتان ءابىشۇلى تۇرىك، اعىلشىن جانە ورىس تىلدەرىندە حابار تاراتۋدى ۇسىنعان. جۋىردا ستامبۇل قالاسىندا جينالعان قازاقستان، تۇركيا، ءازىربايجان مەن قىرعىزستان حالىقارالىق تەلەارنالارى مەن اقپارات اگەنتتىكتەرىنىڭ باسشىلارى ورتاق تەلەارنانىڭ ۇستاناتىن باعىتى، قارجىلىق دەمەۋشىلەرى مەن بيۋدجەتى تۋرالى كەڭەستى. تۇركى كەڭەسىنىڭ شەڭبەرىندە اشىلاتىن بۇل تەلەارنا ءتۇبى ءبىر تۇركىنىڭ تاريحى، مادەنيەتى مەن سالت-ءداستۇرى، رۋحاني ماسەلەلەرى جايلى اقپاراتتىق-تانىمدىق باعدارلامالار دايىندايدى. بۇگىندە ارنايى قۇرىلعان جۇمىس توبى قۇقىقتىق-نورماتيتىك قۇجاتتارىن دايىنداپ جاتىر.

تەلەارنانى اشۋ تۋرالى كەلىسىمگە بيىل استانا قالاسىندا وتەتىن تۇركى كەڭەسىنىڭ V سامميتىندە قول قويىلاتىن ورتاق تەلەارنا جەر شارىنىڭ تۇكپىر-تۇكپىرىنە تاراپ كەتكەن تۇركىنىڭ بۇگىنگى ۇرپاقتارى اراسىنداعى ىنتىماقتاستىقتى نىعايتۋعا  كۇش سالادى.

                                             11118243_10204189243677906_750933195_n

11130542_10204189244437925_268090191_n

11120527_10204189242877886_2054657934_n

سوڭعى جاڭالىقتار