9 ءساۋىر 2015, 15:35 2126 0 جاڭالىقتار اسەل انۋاربەك

"ويىن بيزنەسى" تۋرالى زاڭدى پارلامەنت ماقۇلدادى

قر پارلامەنتى سەناتىنىڭ جالپى وتىرىسىندا «قر كەيبىر زاڭنامالىق اكتىلەرىنە ويىن بيزنەسى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» جاڭا زاڭ جوباسى ماقۇلداندى.
ەلىمىزدەگى ويىن بيزنەسىندەگى زاڭ نورمالارىن جەتىلدىرۋدى كوزدەيتىن قۇجاتتا ويىن بيزنەسى تۋرالى زاڭنامانى اينالىپ وتۋگە مۇمكىندىك بەرەتىن الشاقتىقتار مەن قايشىلىقتاردى جويۋ شارالارىن قاراستىرادى. اتالمىش زاڭ جوباسىندا ينتەرنەت-كازينو قىزمەتىنە، اسىرەسە، قازاقستانداعى شەتەلدىك ينتەرنەت-كازينو قىزمەتىنە تىيىم سالىنعان. ويىن بيزنەسىندە ليتسەنزيا الۋدا ءوتىنىش بەرۋشىلەردىڭ تالاپتارىن قاتاڭداتۋ ماسەلەسى دە جاڭادان قابىلدانعان زاڭ جوباسىندا كورسەتىلگەن. اكىمشىلىك قۇقىق بۇزۋشىلىق كودەكسىندە ويىن بيزنەسىنە قاتىستى زاڭ نورمالارىن بۇزعاندارعا دا بەلگىلى جاۋاپكەرشىلىكتەر بەلگىلەنەدى. اتالمىش زاڭ تالاپتارى بويىنشا بۋكمەكەر كەڭسەسى جانە توتاليزاتور كاسسالارىنان الىناتىن سالىق كولەمى 150 ايلىق ەسەپتىك كورسەتكىشكە دەيىن ۇلعايماق. زاڭنامالىق قۇجاتتاعى باستى جاڭالىق ويىن مەكەمەلەرىن، بۋكمەكەر كەڭسەسى كاسسالارىن جانە توتاليزاتورلاردى تۇرعىن ءۇي عيماراتتارىنا ورنالاستىرۋعا تىيىم سالىناتىندىعى. قر پارلامەنتى قابىلداعان زاڭ جوباسى ەندى ەلباسى نۇرسۇلتان نازارباەۆتىڭ قول قويۋىنا جولدانباق.

سوڭعى جاڭالىقتار