9 ءساۋىر 2015, 15:34 2111 0 جاڭالىقتار اسەل انۋاربەك

اليمەنت تولەمەگەندەر جۇرگىزۋشى كۋالىگىنەن ايىرىلۋى مۇمكىن

اليمەنت تولەمەگەن زاماتتاردى ۋاقىتشا جۇرگىزۋشى كۋالىگىنەن ايىرۋ قاجەت. قر پارلامەنتى سەناتىنىڭ دەپۋتاتى سەرىك اقىلباي ۇكىمەت باسشىسىنا ءدال وسىنداي ۇسىنىس جاسادى.
بۇگىنگى ىقپال ەتۋ جۇيەلەرىنىڭ ەشبىرى دە اليمەنت تولەمەگەن اكەلەرگە كەدەرگى كەلتىرە الماعاندىقتان، ءبىر جىلدان استام ۋاقىتقا كولىك جۇرگىزۋ كۋالىگىنەن ايىرۋ ماسەلەسىن قاراستىرۋ قاجەتتىگىن العا تارتتى. سونىمەن قاتار، سەناتور مىرزا كولىك قۇرالىن مۇگەدەكتىگى بويىنشا جانە جالعىز تابىس كوزى بولعان كەزدە باسقاراتىن جاعدايلاردا جانە المەنت بويىنشا ءۇش ايلىق ەسەپتىك كورسەتكىشىنەن از بولعاندا عانا بۇل تىيىم سالىنباۋى ءتيىس دەگەندى دە قوسا كەتتى. سەرىك اقىلباي مىرزا ۇسىنعان دەرەكتەرگە سۇيەنسەك، رەسپۋبليكا بويىنشا سوت ورىنداۋشىلاردىڭ اليمەنتتى ءوندىرۋ بويىنشا 213 مىڭ سوت شەشىمى بار ەكەن. ال ونىڭ 14 مىڭى ءالى دە وتەلمەگەن. «اتقارۋ قۇجاتتار بويىنشا قارىز ادامداردىڭ ءوز مىندەتتەرىن اتقارۋعا مۇمكىندىگى بار، بىراق بەلگىلى ءبىر سەبەپتەرمەن ورىندالماي كەلەدى. سونىمەن بىرگە، قارىز ادامدار جۇمىس ورنى تۋرالى جانە تابىس كوزى تۋرالى مالىمەتتى قاساقانا جاسىرىپ ءجۇر»، – دەيدى سەناتور. قارىزىن وتەمەگەندەرمەن كۇرەسۋدىڭ مۇنداي ءادىسىن سەناتور ويدان شىعارىپ وتىرعان جوق. سەرىك اقىلباي مۇنداي ءتاسىلدىڭ بەلارۋس رەسپۋبليكاسىندا 2012 جىلدان بەرى قولدانىلاتىندىعىن تىلگە تيەك ەتتى. بەلارۋستىڭ تاجىريبەسىنە سۇيەنسەك، ءدال وسى ءادىس ارقىلى قارىزى بار جانداردىڭ 41 پايىزى قارىزىن وتەگەن ەكەن. قازىر اتالمىش زاڭ جوباسى رەسەيدە دە قارالىپ جاتىر.

سوڭعى جاڭالىقتار