7 ءساۋىر 2015, 15:05 1867 0 جاڭالىقتار اسەل انۋاربەك

"روساتوم" كۋرچاتوۆتا اتوم ستانساسىن سالماق

بۇگىن استانا قالاسىندا «Kazatomexpo – 2015» كورمەسى ءوتتى. كورمەگە قاتىسقان «روساتوم» كومپانياسىنىڭ قازاقستانداعى وكىلى ۆيتالي ريابوۆ ەلىمىزدە اتوم ەلەكتر ستانساسىن سالۋ جونىندەگى كەلىسىمگە بيىلعى جىلى قول قويۋ جوسپارلانىپ وتىرعانىن ايتتى.
كەڭەس زامانىنان بەرى كەلە جاتقان قازاقستان مەن رەسەي اراسىنداعى يادرولىق سالاداعى ىنتىماقتاستىققا توقتالعان ۆيتالي ريابوۆ: «قازاقستانداعى العاشقى اتوم ستانساسىسىنىڭ» دەپ ايتقىم-اق كەلەدى، بىراق ول ولاي ەمەس. سەبەبى، وتىز جىل بويى ەنەرگيا مەن جىلۋ تاراتىپ كەلگەن اقتاۋ اتوم ستانساسى بولدى ەمەس پە؟! جالپى، كوپتەگەن ادامدار اتوم ەنەرگياسى تۋرالى كەرەعار پىكىردە. بۇل چەرنوبىل، حيروسيما اپاتتارىنىڭ زاردابىنان بولسا كەرەك. بىراق ءبىزدىڭ ماماندار، عىلىمي ينستيتۋتتار يادرولىق قۋاتتىڭ قاۋىپسىزدىگىن ارتتىرۋ ءۇشىن كۇش-جىگەرلەرىن جۇمساپ كەلەدى. ال اتوم ەنەرگەتيكاسىنىڭ پايداسىن بىلەتىن حالىق وڭ كوزقاراستا. مىسالى، قازاقستاننىڭ يادرولىق ورتالىعى – كۋرچاتوۆ قالاسىنىڭ حالقى اتوم ستانساسىن سالۋعا قارسى ەمەس»، – دەدى كورمەدە. قازاقستاننىڭ يادرولىق ورتالىعى كۋرچاتوۆ قالاسىندا اتوم ستانساسىن سالۋ تۋرالى كەلىسىمگە ۇستىمىزدەگى جىلدىڭ العاشقى جارتى جىلدىعىنادا قول قويىلۋى ابدەن مۇمكىن ەكەن. بۇل ماسەلە قازىر ءجىتى باقىلاۋدا جانە كەلىسسوزدەر جۇرگىزىلىپ جاتقان كورىنەدى. ۆيتالي ريابوۆتىڭ ايتۋىنشا، رەسەيدە ۆەدومستۆوارالىق كەلىسىم ءبىر رەت جۇرگىزىلگەن. رەسەي اتالمىش اتوم ستانساسىنىڭ ورنى رەتىندە كۋرچاتوۆ قالاسىن كوزدەپ وتىر ەكەن. ال بالقاشتا سالىناتىن اتوم ستانساسىنا قاتىستى تەندەر جاريالانباق.

سوڭعى جاڭالىقتار