31 قازان 2016, 22:42 1647 0 قوعام اقنيەت وسپانباي

پودوبەدوۆا: قايتارمايمىن، ول حالىقتىكى

قازاقستاندىق اۋىر اتلەت سۆەتلانا پودوبەدوۆا حوك-تىڭ لوندوندا جەڭىپ العان وليمپيادا مەدالىن قايتارۋ تۋرالى شەشىمىنە قاتىستى پىكىرىن ءبىلدىردى. Vesti.kz سايتىنا بەرگەن سۇحباتىندا ول مەدالدىڭ وزىنە عانا ەمەس، قازاقستان حالقىنا تيەسىلى ەكەنىن ايتىپ، ونى قايتارمايتىنىن مالىمدەدى.

"(...) ارينە، وقيعا جاقسىلىقپەن اياقتالادى دەگەن ءۇمىتىمىز بولدى، بارلىعى دا قاتە بولىپ، قورقىنىشتى تۇستەي وتە شىعادى دەپ ويلاپ، جاتتىعۋىمىزدى جالعاستىردىق، بىراق... ءبىزدى وليمپياداعا جىبەرمەگەندە مۇنىڭ بارلىعى نە ءۇشىن بولىپ جاتقانى تۇسىنىكتى بولدى... مۇنىڭ ءبارى ارتتا قالدى. حوك وتىرىسىنان ءوز باسىم جاقسى جاڭالىق كۇتپەدىم، سەبەبى ولار ءوز شەشىمىن ەشقاشان وزگەرتپەگەن. ارينە، مادەنيەت جانە سپورت مينيسترلىگى، ۇلتتىق وليمپيادا كوميتەتى، ءبىزدىڭ فەدەراتسيا ءبىز ءۇشىن سوڭىنا دەيىن كۇرەستى، ادۆوكات جالدادى، بىراق WADA قاتەلەستىك دەمەيتىن شىعار، ونىڭ ءمانى دە جوق، سەبەبى وزدەرىنىڭ نەگىزگى جۇمىسى ءبىتتى - الەمنىڭ ۇزدىك سپورتشىلارى وليمپياداعا قاتىسا المادى...", - دەدى سۆەتلانا پودوبەدوۆا.

"مەدالدى قايتارۋعا نيەتىم جوق. مەدال ءۇشىن كۇرەستىم، ءوز ەڭبەگىممەن الدىم، كوپتەگەن جاتتىعۋىمنىڭ ارقاسى. سول كەزدە وسى مەلدال ءۇشىن بۇكىل قازاقستان قۋاندى، سەبەبى بۇل مەدال مەنىكى عانا ەمەس، قازاقستان حالقىنا تيەسىلى. ءبىز ونى نە ءۇشىن قايتارۋىمىز كەرەك؟ ونى بىزگە سول كەزدە نە ءۇشىن بەردى؟ 10 جىلدان كەيىن بىراق بەرمەي مە. جوق، مۇنى تالقىلاۋعا دا كەلمەيدى. ءبىزدى وليمپياداعا دەيىن دە، كەيىن دە تەكسەردى - ءبارى دۇرىس بولاتىن. ال ءتورت جىلدان كەيىن نە بولعانى ءالى كۇنگە دەيىن جۇمباق. ەگەر قاجەت دەپ جاتسا، كوشىرمەسىن جاساتامىن دا، جىبەرە سالامىن", - دەدى اۋىراتلەت.

ەسكە سالايىق، حالىقارالىق اۋىر اتلەتيكا كوميتەتى 2008 جىلعى وليمپيادانىڭ كۇمىس جۇلدەگەرى تايمۋراز تيگيەۆتىڭ مەدالىن قايتارۋ تۋرالى شەشىم قابىلداعان. زىلتەمىرشىلەر مايا مانەزا، سۆەتلانا پودوبەدوۆا جانە زۇلفيا چينشانلو 2012 جىلعى وليمپيادانىڭ التىن مەدالدارىنان ايىرىلعان. بارلىق سپورتشىنىڭ قانىنان بيىل تىيىم سالىنعان زاتتار تابىلعان ەدى.

سوڭعى جاڭالىقتار