10 قازان 2016, 14:15 1819 0 سىرتقى ساياسات اقنيەت وسپانباي

تمد ەلدەرىنىڭ سالىق ورگاندارى باسشىلارى كەزدەستى

الماتىدا تمد ەلدەرى سالىق ورگاندارى باسشىلارى ۇيلەستىرۋشى كەڭەسىنىڭ ءححىىى وتىرىسى ءوتتى دەپ حابارلايدى aikyn.kz.

جيىنعا ءازىربايجان، ارمەنيا، بەلارۋس، قازاقستان، قىرعىزستان مەن تاجىكستان، رەسەي جانە مولدوۆا مەملەكەتتەرىنىڭ دەلەگاتسيالارى، سونداي-اق تمد ەلدەرى اتقارۋشىلىق كوميتەتى مەن رەسەي فەدەراتسياسى ۇكىمەتى جانىنداعى قارجىلىق ۋنيۆەرسيتەتتىڭ وكىلدەرى قاتىسىپ، قارجى-ەكونوميكالىق قارىم-قاتىناس سالاسىنداعى كوكەيكەستى پروبلەمالاردى كەڭىنەن تالقىلادى.

جيىنعا ارنايى كەلگەن الماتى قالاسىنىڭ اكىمى باۋىرجان بايبەك ورتا ازيا­داعى ىرگەلى ايماقتىق قارجى ورتالىعى بولىپ سا­نالاتىن الماتى قالاسىندا تمد مەم­لەكەتتەرىنىڭ وكىلەتتى ورگان­دارى – سالىق ورگاندارى باس­شىلارى ۇيلەستىرۋشى كەڭەسى ءححىىى وتىرىسىنىڭ وتكىزىلۋى­نىڭ ماڭىزى زور ەكەندىگىن ايرىقشا اتاپ كورسەتتى. سونداي-اق ول جيىنعا قاتىسۋ­شىلاردى ەكو­نوميكانى دامىتۋدا ايرىق­شا ماڭىزعا يە قارجىلىق سالىق ماسەلەسىن تالقىلاۋعا ارنالعان ماڭىزدى ءىس-شارانى ويداعىداي وتكىزىپ، ورتاق ويلاردىڭ ءبىر ارناعا توعىسۋىنا تىلەكتەستىگىن شى­نايى پەيىلمەن، ەرەكشە ىقىلاس سەزىممەن ءبىلدىردى. بۇ­عان قوسا، قالا باسشىسى ءوز ءسو­زىندە وسى جىلدىڭ وتكەن توعىز ايى ىشىندە الماتى قالا­سىنىڭ سالىق جيناۋ كورسەتكىشىن 80 پايىزعا ورىن­داعانىن، سوڭعى 10 جىلدىڭ ىشىندە وڭتۇستىك استانانى كوركەيتۋگە 4 ميل­ليارد اقش دوللارىنان استام قارجى جۇمسالعانىن ايتىپ ءوتتى. بۇعان قوسا، قالادا جول-كولىك قوزعالىسىن، ونىڭ ىشىندە كەپتەلىستى ازايتۋ ماق­ساتىندا الماتىدا 29 اينالما جول سالىنىپ، پايدا­لانۋعا بەرىل­گەنى جانە قالانىڭ الەۋ­مەت­تىك-ەكونوميكالىق دامۋى كۇننەن-كۇنگە ارتىپ كەلە جات­قانىنا جان-جاقتى توقتالدى. «ەلباسى نۇرسۇلتان نازارباەۆ بەلگىلەپ بەرىپ، جۇزەگە اسى­رۋدى يگى ماقسات رەتىندە العا قويعان بەس ينستي­تۋتسيونال­دىق رە­فورمانى جۇزەگە اسىرۋدا الماتىلىقتار بيىك بەلەستەن كورىنۋدە. قازىرگى كۇنى ءبىزدىڭ قالا باسەكەگە قابىلەتتى ءارى كورىكتى قالاعا اينالىپ وتىر. مۇنداي يگى ءىس­تەر ەلىمىزدىڭ ۇكىمەتى قا­بىلداپ، جۇزەگە اسىرىلا باس­تاعان 40 ماڭىزدى رەفورما جاعدا­يىندا مۇمكىن بولىپ وتىر. الماتىنىڭ بولاشاعى بۇدان زور بولادى دەگەن سەنىمىمىز زور» – دەپ ءتۇيدى ءوز ويىن قالا باسشىسى باۋىرجان بايبەك. ودان كەيىن ءسوز العان قر قارجى مينيسترلىگى مەم­لەكەتتىك كىرىستەر كومي­تەتىنىڭ توراعاسى،تمد ەلدەرى سالىق قىزمەتى باسشىلارى ۇيلەستىرۋ كەڭەسىنىڭ توراعاسى داۋلەت ەرعوجين ەلىمىزدە جۇرگىزىلىپ جاتقان سالىق ساياساتى جاع­دا­يىندا قول جەتكەن تابىس­تارمەن قوسا، تمد ەلدەرى ءبىر­لەسىپ شە­شۋى ءتيىستى بىرقاتار ماسەلەلەرگە كەڭىنەن توق­تال­دى. ولاردىڭ اراسىندا تاۋار­لارعا ەلەك­تروندى شوت-فاك­تۋرالار مەن ىلەسپە قۇجاتتاردى ەنگىزۋ، تمد ەلدەرىنىڭ كەدەن­دىك جانە سالىق جۇيەلەرىن بىرىكتىرۋ ءتارىزدى اۋ­قىمدى ءىس-شارالار بار. جيىن­عا قاتىس­قان وزگە ەلدەر­دىڭ سا­لىق باس­شى­لارى كوتە­رىل­گەن ءما­سەلەلەر بويىنشا وي­لا­رىن ور­تاعا سالدى. باسقوسۋ با­رى­سىن­دا تمد ەلدەرى سالىق قىز­مەتى باسشىلارى ۇيلەستىرۋ كە­ڭەسى­نىڭ توراعالىعى قىزمەتى سال­تاناتتى جاعدايدا قىر­عىز­ستان رەسپۋبليكاسىنا تاپسى­رىلدى.

تەگتەر تمد

سوڭعى جاڭالىقتار