10 قازان 2016, 10:17 1287 0 سىرتقى ساياسات دينارا مىڭجاسارقىزى

نوبەلدىڭ بەيبىتشىلىك سىيلىعى كولۋمبيا پرەزيدەنتىنە بەرىلدى

كولۋمبياداعى راديكالدى فارك  توبىمەن اراداعى 52 جىلعا سوزىلعان سوعىستى توقتاتقانى ءۇشىن كولۋمبيا پرەزيدەنتى حۋان مانۋەل سانتوسبەيبىتشىلىك سالاسىنداعى نوبەل سىيلىعىنا يە بولدى دەپ حابارلايدى ەگەمەن-اقپارات.

2016 جىلى قىركۇيەكتىڭ سوڭىندا كولۋمبيا پرەزيدەنتى سانتوس پەن فارك ليدەرى تيمولەون حيمەنەسو بەيبىت كەلىسىمگە قول قويدى.  ەكەۋى دە بەيبىتشىلىك سالاسىنداعى نوبەل سىيلىعىنا ۇمىتكەرلەردىڭ قاتارىندا بولدى.  فارك توبىمەن اسكەري قاقتىعىس 50 جىلدان استام ۋاقىت جالعاسىپ، 250 مىڭنان استام ادامنىڭ ءومىرىن قيدى.

وتكەن سەيسەنبى كۇنى فارك شەرۋشىلەرىمەن اتىستى توقتاتۋدىڭ ەكىجاقتى رەجيمى ۇزارتىلدى. سول كەزدە سانتوس جاقىن ارادا ەلدەگى بەيبىتشىلىككە قول جەتكىزۋگە نيەتتى ەكەنىن ايتتى.

“جاقىن ارادا كولۋمبيادا بەيبىتشىلىك ورنايدى، ءبىز وعان قول جەتكىزەمىز”، – دەدى ول ەلدىڭ ەكس-پرەزيدەنتى الۆارو ۋريبەمەن كەزدەسكەن سوڭ.

ەسكە سالا كەتەيىك، اعىمداعى جىلى جاپونيالىق يوسينوري وسۋمي مەديتسينا سالاسى بويىنشا نوبەل سىيلىعىنىڭ لاۋرەاتى اتاندى.  فيزيكا بويىنشا نوبەل سىيلىعىنا  دانكان حولدەين، مايكل كوستەرليتس جانە دەۆيد تاۋلەس يە بولدى. نوبەل سىيلىعىنىڭ مولشەرى 8 ملن شۆەتسيالىق كروندى (295 ملن تەڭگە) قۇرايدى.

سوڭعى جاڭالىقتار