6 قازان 2016, 12:56 2521 0 سىرتقى ساياسات دينارا مىڭجاسارقىزى

80 ملن دوللاردىڭ بالىق ونىمدەرى ەكسپورتقا شىعادى

قازاقستان جىلىنا 80 ملن. دوللاردىڭ بالىق ونىمدەرىن ەكسپورتقا شىعارادى. بۇل تۋرالى بۇگىن قر اۋىل شارۋاشىلىعى ۆيتسە-ءمينيسترى ەرلان نىسانباەۆ ءمالىم ەتتى.

«قازاقستاننىڭ تابيعي سۋ ايدىندارىندا جىل سايىن ششامامەن 40-45 مىڭ توننا بالىق اۋلانادى. سونىمەن بىرگە بالىق ءوسىرۋ كاسىپورىندارى جىلىنا 500-700 تونناعا جۋىق تاۋارلى بالىق وسىرەدى.  سولاي بولا تۇرا جىل سايىن شامامەن 45-50 مىڭ توننا مۇحيت بالىقتارىنىڭ تۇرلەرى اكەلىنسە، 22 مىڭ توننادان استام بالىق ونىمدەرى ەكسپورتقا شىعارىلادى. بۇگىنگى تاڭدا مال شارۋاشىلىعى ونىمدەرى ەكسپورتىنىڭ 50 پايىزىنا دەيىنگى كولەمى بالىق ونىمدەرىنە تيەسىلى. ەكسپورت سوماسى جىلىنا 80 ملن. اقش دوللارىنا دەيىن جەتەدى»، - دەدى ۆيتسە-مينستر.

ونىڭ اتاپ وتۋىنشە، وتاندىق بالىق ونىمدەرى نەگىزىنەن ەۋروپالىق وداق ەلدەرىنە ەكسپورتتالادى جانە دۇنيەجۇزىلىك نارىقتا باسەكەگە قابىلەتتى.  سوڭعى جىلدارى بالىق ونىمدەرىنىڭ ەكسپورتى جاڭا نارىقتارعا باعدارلانۋدا.

«بۇگىنگى تاڭدا 19 كاسىپورىن قىتايعا بالىق ونىمدەرىن ەكسپورتتاۋشىلار تىزىلىمىنە ەنگىزىلگەن. قىتايعا بالىق ونىمدەرىنىڭ ەكسپورتى جىلىنا 2 مىڭ تونناعا دەيىن كوبەيەدى دەپ ۇمىتتەنەمىز»، - دەدى ە.نىسانباەۆ.

ۆيتسە-ءمينيستردىڭ دەرەكتەرىنە قاراعاندا، 2015 جىلى قازاقستان قىتايعا 1039 توننا، ال وسى جىلدىڭ 5 ايىندا 465 توننا بالىق ەكسپورتتاعان.

«قازىرگى كەزدە وڭىرلەردە بالىق وڭدەۋدى 60-تان استام كاسىپورىن جۇزەگە اسىرادى. الايدا بۇگىنگى تاڭدا ولاردىڭ وندىرىستىك قۋاتىنىڭ جۇمىس ىستەۋى 50 پايىزعا دا جەتپەيدى. وسىعان بايلانىستى بالىق شارۋاشىلىعىنىڭ ەكسپورتتىق الەۋمەتىن ودان ارى ارتتىرۋمەن قاتار كاسپي تەڭىزىنىڭ رەسۋرستارىن نەعۇرلىم تولىق يگەرۋ جانە تاۋارلى بالىق ءوسىرۋدى دامىتۋ ەسەبىنەن يمپورتتى الماستىرۋ نەگىزگى مىندەتتەردىڭ ءبىرى بولىپ بەلگىلەندى»، - دەدى ول.

ايتا كەتەرلىگى، ءماجىلىستىڭ اگرارلىق ماسەلەلەر كوميتەتىندە ەلىمىزدەگى  بالىق شارۋاشىلىعىنىڭ جاعدايى جانە دامۋ ماسەلەلەرى تاقىرىبىندا وتىرىس وتۋدە.

 

سوڭعى جاڭالىقتار