2 ءساۋىر 2015, 16:09 4235 0 جاڭالىقتار اسەل انۋاربەك

ەلىمىزدە اراق-شاراپ قىمباتتايدى

ەلىمىزدە الكوگول ونىمدەرىنىڭ باعاسى قىمباتتادى. ەل ۇكىمەتى اراق-شاراپ ونىمدەرى ءبىر ءليترىنىڭ ەڭ تومەنگى باعاسىن 1300 تەڭگە دەپ بەلگىلەدى. بۇل قاۋلى ەندى 10 كۇننەن كەيىن كۇشىنە ەنبەك.
قر ۇكىمەتى الكوگول ونىمدەرىنىڭ بولشەك ساۋداداعى ەڭ تومەنگى باعاسىن كوتەرۋدى اكتسيزدىڭ قىمباتتاۋىمەن بايلانىستىرىپ وتىر. سونداي-اق، ەلىمىزدەگى نەگىحگى تاۋارلاردىڭ باعاسىن ەۋرازيالىق ەكونوميكالىق وداققا مۇشە رەسەي، بەلارۋس، ارمەنيا مەملەكەتتەرىندەگى باعامەن تەڭەستىرۋ قاجەت بولعان ەكەن. ايتا كەتەيىك، وتكەن جىلى ەلدەگى اراق-شاراپ ونىمدەرى ءبىر ءليترىنىڭ ەڭ تومەنگى باعاسى 1120 تەڭگە بولىپ بەكىتىلگەن. ال بۇل باعا 2016 جىلى 1600 تەڭگەگە دەيىن قىمباتتاۋى مۇمكىن. ال كورشىلەس رەسەيدە اعىمداعى جىلدىڭ اقپانىندا اراق باعاسى 2009 جىلدان بەرى العاش رەت ارزانداعان ەدى. ول كەزدە رەسەي اراق-شاراپ نارىعىن رەتتەۋ فەدەرالدىق قىزمەتى جارتى ليترلىك اراقتىڭ باعاسىن 185 رۋبل دەپ بەكىتكەن.

سوڭعى جاڭالىقتار