2 ءساۋىر 2015, 10:28 2242 0 الەۋمەت اسەل انۋاربەك

اسكەردەن قاشقاندار جازاسىن الادى

ءساۋىر ايىنىڭ العاشقى كۇنىنەن باستاپ اكىمشىلىك قۇقىق بۇزۋشىلىقتار تۋرالى كودەكسكە جاڭا باپ ەنگىزىلمەك. جاڭا باپ اسكەرگە بارۋدان جالتارعان ازاماتتارعا قاتىستى.
اسكەرگە بارۋدان قاشىپ، ءتۇرلى سالادا قىزمەت ەتىپ جۇرگەن ازاماتتار ءۇشىن جاڭا زاڭ تالاپتارى ءبىراز قيىندىق تۋدىرۋى مۇمكىن. ويتكەنى ەندى بارلىق كاسىپورىن باسشىلارى قاراماعىندا جۇمىس ىستەيتىن ازاماتتارى جونىندە اسكەري كوميسسارياتقا تولىق اقپارات وتكىزىپ وتىرۋى ءتيىس. بۇل تالاپتى ورىنداماعان باسشىلاردىڭ وزىنە ايىپپۇل سالىنادى. اسكەرگە شاقىرتۋ جاسىنداعى جاستار تۋرالى دۇرىس اقپارات بەرمەگەن ۇيىم باسشىسىنا 10 ايلىق ەسەپتىك كورسەتكىشىندە ايىپپۇل سالىنادى جانە بۇل ايىپپۇلدىڭ جوعارى شەكتىك كورسەتكىشى 40 ايلىق ەسەپتىك كورسەتكىشكە دەيىن جەتپەك.
ستاتيستيكالىق دەرەكتەر بويىنشا ازاماتتىق بورىشىن وتەۋى قاجەت جىگىتتەردىڭ بەرگەن مەكەن جايلارىنىڭ تەكسەرۋ بارىسىندا تەك ەكەۋى عانا راستالادى ەكەن. سوندىقتان دا قورعانىس ىستەرى دەپارتامەنتى وسىنداي قادامعا بارىپ وتىر. جاڭا زاڭ تارماقتارىنىڭ وڭ ناتيجە بەرەتىنىنە زاڭگەرلەر دە سەنىمدى.
اسكەري كوميسساريات قىزمەتكەرلەرى اسكەرگە بارعىسى كەلمەگەن ازاماتتار ءۇشىن قىلمىستىق كودەكس بويىنشا دا جاۋاپكەرشىلىك قاراستىرىلعانىن دا ەسكەرتىپ ءوتتى. قىلمىستىق كودەكس بويىنشا وتان الدىنداعى بورىشىن وتەۋدەن قاشقاندار 1000 ايلىق ەسەپتىك كورسەتكىش مولشەرىندە ايىپپۇل تولەيدى نەمەسە ءبىر جىلعا دەيىن باس بوستاندىعىنان ايىرىلۋى مۇمكىن.

سوڭعى جاڭالىقتار