1 قازان, 20:00 481 0 پرايمەريز انار لەپەسوۆا

تۇركىستان وبلىسىندا 12 مىڭعا جۋىق نۇروتاندىق ءوز تاڭداۋىن جاسادى

تۇركىستان وبلىسىندا پرايمەريزدىڭ ونلاين داۋىس بەرۋ كەزەڭى قارقىن الدى. 1 قازان كۇنگى كەشكى ساعات 19:00-گە دەيىنگى كورسەتكىشكە ساي ەلىمىز بويىنشا تۇركىستان وبلىسى 11 447 داۋىس بەرۋشىمەن العاشقى ۇشتىكتە كەلەدى.

ەستەرىڭىزگە سالا كەتەيىك، جالپى وبلىسىمىزدا «Nur Otan» پارتياسىنىڭ 78262 مۇشەسى 1-3 قازان ارالىعىندا وتەتىن داۋىس بەرۋگە قاتىساتىن بولادى. ولار 245 باستاۋىش پارتيا ۇيىمدارىنا بەكىتىلگەنىن ايتا كەتكەن ءجون.
وبلىستىڭ اۋدان، قالالارىندا 209 داۋىس بەرۋ ورنى بەلگىلەنسە، ونىڭ ىشىندە 170 ورىندا ونلاين فورماتتا، 39 ورىندا ءداستۇرلى قاعاز بيۋللەتەنىمەن داۋىس بەرۋگە ارنالعان.

پرايمەريزگە وبلىستىڭ بارلىق اۋدان، قالالارىنان 1076 ۇمىتكەر قاتىسىپ جاتىر. ونىڭ ىشىندە باستاۋىش پارتيا ۇيىمدارىنان – 207 (19,2%), ءوزىن-ءوزى ۇسىنعان – 869 (80,8%), ايەلدەردىڭ ۇلەسى – 353 (32,8%), جاستاردىڭ ۇلەسى 312-ءنى (28,9%) قۇرادى. تۇركىستان وبلىسى بويىنشا ءبىر ورىنعا ورتا ەسەپپەن 4 ادامنان تىركەلدى. جالپى وڭىردە وبلىستىق جانە جەرگىلىكتى ءماسليحاتتاردا 320 ورىن بار.

داۋىس بەرۋگە قاتىساتىن 78262 پارتيا مۇشەسىنىڭ 68183-ءى (87,1%) ونلاين، 10079-ى (12,3%) قاعاز بيۋلەتەنمەن داۋىس بەرەدى. ونلاين داۋىس بەرۋ ورىندارى 600-گە جۋىق كومپيۋتەرمەن جانە ينتەرنەتپەن قامتاماسىز ەتىلگەن.

سوڭعى جاڭالىقتار