1 قازان, 20:43 296 0 دەنساۋلىق انار لەپەسوۆا

قازاقستاندا 182 مەديتسينا قىزمەتكەرى كوروناۆيرۋستان كوز جۇمدى

پاندەميا باستالعالى ەلىمىزدە 12 830 مەديتسينا قىزمەتكەرى كوروناۆيرۋسقا شالدىققان.  ونىڭ ىشىندە 8339 مامان ۆيرۋستى كاسىبي قىزمەتىمەن اينالىسۋ بارىسىندا جۇقتىرعان. بۇل تۋرالى ورتالىق كوممۋنيكاتسيالار قىزمەتىندە وتكەن بريفينگتە دەنساۋلىق ساقتاۋ ءمينيسترى الەكسەي تسوي مالىمدەدى. 

ءمينيستردىڭ سوزىنشە، بۇگىنگى تاڭدا مەديتسينالىق قىزمەتكەرلەردىڭ 88%-ى نەمەسە ايماقتىق كوميسسيا دەڭگەيىندە راستالعان جاعدايلاردىڭ 3 454-ءى COVID-19 بويىنشا وتەماقى العان. 

سونداي-اق، الەكسەي تسوي كوروناۆيرۋستان 182 مەديتسينا قىزمەتكەرى كوز جۇمعانىن ايتتى. ايماقتىق كوميسسيا ىندەتتەن قايتىس بولعان 58 مەديتسينالىق قىزمەتكەرلەردىڭ تۋىستارىنا وتەماقى بەرۋ تۋرالى شەشىم قابىلداپتى. بۇگىنگى كۇنگە دەيىن 37 وتباسىعا وتەماقى تولەنگەن. مينيستر بۇل باعىتتاعى جۇمىستار جالعاساتىنىنا سەندىردى.

ايتا كەتەيىك، بۇعان دەيىن الەكسەي تسوي ەل تۇرعىندارى قاۋىپسىزدىك تالاپتارىن ساقتاماسا، قاتاڭ قارانتين قايتا ەنگىزىلەتىنىن ەسكەرتكەن. ءمينيستردىڭ ايتۋىنشا، كارانتين ءتارتىبىنىڭ بۇزىلۋىنا بايلانىستى سالىناتىن ايىپپۇلدار سانى ارتىپ كەلەدى. بۇل ءوز كەزەگىندە شەكتەۋ شارالارىنىڭ، قاۋىپسىزدىك تالاپتارىنىڭ ورىندالا بەرمەيتىنىن اڭعارتادى.

 

سوڭعى جاڭالىقتار