1 قازان, 17:43 386 0 پرايمەريز انار لەپەسوۆا

پرايمەريز: الماتىدا جارتى كۇن ىشىندە 6 مىڭنان استام نۇروتاندىق داۋىس بەردى

كۇننىڭ ءبىرىنشى جارتىسىندا جۇيەدە «Nur Otan» پارتياسى الماتى قالالىق فيليالىنىڭ 6 مىڭنان استام مۇشەسى داۋىس بەردى. الماتىنىڭ 8 اۋدانىندا نۇروتاندىقتاردىڭ داۋىس بەرۋى بەلسەندى ءوتىپ جاتىر، ولاردىڭ باسىم بولىگى بوستاندىق اۋدانىندا تۇرادى، ال پرايمەريزگە قاتىسۋشىلاردىڭ ەڭ كوپ سانى - 45 كانديدات مەدەۋ اۋدانىندا تىركەلگەن.

كۇننىڭ ءبىرىنشى جارتىسىندا ناۋرىزباي جانە الاتاۋ اۋداندارىنداعى نۇروتاندىقتار مەن باستاۋىش پارتيا ۇيىمدارىنىڭ مۇشەلەرى بەلسەندىلىك تانىتتى. ازىرگە ەڭ كوپ داۋىس بەرگەندەر بار.

جالپى الماتىدا پارتيانىڭ 58 721 مۇشەسى بار، ونىڭ ىشىندە اقپاراتتىق جۇيەگە 52 929 ادام اۆتوريزاتسيالاندى. بۇل جالپى سانىنىڭ 90% - ءىن قۇرايدى.

ەلەكتروندى داۋىس بەرۋ 3 قازانعا دەيىن جالعاسادى.

ءسىز primaries.kz سايتىندا، ءموبيلدى قوسىمشا جانە داۋىس بەرۋ ۋچاسكەلەرىندەگى ونلاين-كابينەتتەر ارقىلى تاڭداعان كانديداتقا داۋىس بەرە الاسىز.

داۋىس بەرۋدىڭ سوڭعى كۇنى (3 قازان) باستاۋىش پارتيا ۇيىمدارىنىڭ بازاسىندا سايلاۋ ۋچاسكەلەرى اشىلادى. الماتىدا ولاردىڭ سانى 37. ۋچاسكەلەردىڭ ورنالاسقان جەرى تۋرالى «Nur Otan» پارتياسى الماتى قالالىق فيليالىنىڭ رەسمي اككاۋنتىنان بىلۋگە بولادى.

 

سوڭعى جاڭالىقتار