1 قازان, 19:00 297 0 اتاجۇرت باقىتبەك قادىر

تاشكەنتتە «اباي» مادەني-ىسكەرلىك ءۇيى اشىلدى

2020 جىلى 1 قازاندا «وتانداستار قورى» مەن «دۇنيەجۇزى قازاقتارىنىڭ قاۋىمداستىعى» بىرلەسە وتىرىپ، قر اقپارات جانە قوعامدىق دامۋ مينيسترلىگى،  قر سىرتقى ىستەر مينيسترلىگىنىڭ قولداۋىمەن تاشكەنتتە «اباي» مادەني-ىسكەرلىك ءۇيى اشىلدى، - دەپ حابارلايدى «وتانداستار قورىنىڭ» ءباسپاسوز قىزمەتى.

ZOOM پلاتفورماسى ارقىلى ونلاين فورماتتا وتكەن ءىس-شاراعا قر اقپارات جانە قوعامدىق دامۋ مينيسترلىگى ەتنوسارالىق قاتىناستاردى دامىتۋ كوميتەتىنىڭ توراعا ورىنباسارى ەركىن ۋيسىمباەۆ، قر ءسىم كونسۋلدىق قىزمەت دەپارتامەنتى دياسپورامەن جۇمىس باسقارماسى باسشىسىنىڭ كەڭەسشىسى باۋىرجان توققۇلوۆ، وزبەكستان قازاق ۇلتتىق مادەني ورتالىعى توراعاسى سەرىكباي ۇسەنوۆ، قازاقستان رەسپۋبليكاسىنىڭ وزبەكستانداعى ەلشىلىك كەڭەسشىسى رۋسلان دۇيسەنوۆ، «وتانداستار قورىنىڭ»، «دۇنيەجۇزى قازاقتارىنىڭ قاۋىمداستىعىنىڭ» باسشىلارى مەن وكىلدەرى جانە ت.ب. قاتىستى.

ءىس-شارا اياسىندا تاشكەنت قالاسىندا جۇمىس ىستەيتىن مادەني-ىسكەرلىك ءۇيدىڭ تانىستىرىلىمى ءوتىپ، جەرگىلىكتى قازاق دياسپوراسىنىڭ مادەني، ىسكەرلىك، ءبىلىم جانە ت.ب. باعىتتاعى جۇمىستارىن قولداۋعا باعىتتالعان بىرلەسكەن جوبالاردى جۇزەگە اسىرۋ جانە ت.ب. ماسەلەلەر تۋرالى ايتىلدى.

ەسكە سالا كەتەيىك، تاشكەنتتەگى «اباي» مادەني-ىسكەرلىك ءۇيى «وتانداستار قورىنىڭ» دۇنيەجۇزىندەگى بارلىق قازاق مادەني-ىسكەرلىك ۇيىمدارىن ءبىرتۇتاس جەلىگە بىرىكتىرۋ ماقساتىندا جۇزەگە اسىپ جاتقان «اباي ءۇيى» جوباسى اياسىندا اشىلىپ وتىر. جاڭادان اشىلعان ورتالىقتىڭ باستى ماقساتى – مادەني-گۋمانيتارلىق، ءبىلىم بەرۋ، ىسكەرلىك، باق جانە جاستار ىنتىماقتاستىعى سالاسىندا شەتەلدەگى قانداستار مەن وتانداستاردىڭ مۇددەلەرىن قامتيتىن، بەلسەندى جۇمىس ىستەپ تۇرعان جەرگىلىكتى قازاق قوعامدىق بىرلەستىكتەر جەلىسى.

سوڭعى جاڭالىقتار