1 قازان, 17:15 390 0 پرايمەريز ارايلىم بيمەنديەۆا

سايىن بورباسوۆ: پرايمەريز ۇمىتكەرلەرىنىڭ سايلاۋالدى باعدارلاماسى ورىندالسا، قوعامدا وزگەرىستەر ورىن الماق

سايىن بورباسوۆ، ساياساتتانۋشى:

– پرايمەريز – الەمدەگى دامىعان ەلدەر تاجىريبەسى. سول ەلدەردەگى رەسپۋبليكالىق، دەموكراتيالىق پارتيالار وزدەرىنىڭ قوعامدى رەفورمالاۋ، دامىتۋ تۋرالى ۇسىنىستارىن حالىقتىڭ تالقىلاۋىنا سالىپ، ساياسي وزگەرىستەرگە قادام باسادى.

پرايمەريزدى ءبىزدىڭ ەلىمىزدەگى وزگە دە پارتيالار ەنگىزسە، ولاردىڭ اراسىندا  ساياسي باسەكە پايدا بولار ەدى. ەكونوميكالىق جانە الەۋمەتتىك رەفورمالار جۇزەگە اسىرىلىپ، ۇكىمەت حالىقتىڭ مۇددەسىنە سايكەس جۇمىس ىستەسە، بيلىك پەن حالىق ءبىر-بىرىنە جاقىنداپ، الەۋمەتتىك ادىلەتتىلىك پرينتسيپتەرى جۇزەگە اسار ەدى. مىنە، سوندا قوعامدا ناعىز وزگەرىستەر ورىن الماق.  مىڭ قۇبىلعان الەمدە مەملەكەتتىلىگىمىزدى كۇشەيتپەسەك، قىتايدىڭ، رەسەيدىڭ ەكسپانسياسىنا قارسى تۇرماساق، تاۋەلسىزدىگىمىزگە قاۋىپ تونەدى. مەملەكەتتىلىكتى كۇشەيتۋ، ەكونوميكالىق تاۋەلسىزدىكتى نىعايتۋدا جالاڭ سوزدەن گورى ناقتى ارەكەتكە كوشۋ ماڭىزدى.

ءبىلىمدى تسيرفلاندىرۋ، ءبىلىمنىڭ ساپاسىن جاقسارتۋ دا وزەكتى ماسەلە. مەنىڭ ويىمشا، اۋىلدىڭ جاعدايىن كوتەرمەيىنشى، ەل ەڭسەسى تىكتەلمەيدى. اگرارلىق سالانى مودەرنيزاتسيالاۋ، اۋىلدان قالاعا اعىلعان جۇمىسسىز، ءۇيسىز جاستاردىڭ جاعدايىن جاساۋ – سايلاۋالدى باعدارلامادا ورىن الۋى ءتيىس. پرايمەريزدىڭ سايلاۋالدى باعدارلاماسىندا ايتىلعان ماسەلەلەر ءتيىستى دارەجەدە ورىندالاتىن بولسا، ەلىمىزدىڭ دامۋىندا وڭ وزگەرىستەر ورىن الاتىنىنا سەنۋگە بولادى.

سوڭعى جاڭالىقتار