1 قازان, 15:31 369 0 پرايمەريز Túrkistan Gazeti

بۇل پرايمەريز بۇرىنعىدان وزگەرەك

ەلىمىزدە تۇڭعىش رەت "Nur Otan" پارتياسى پرايمەريز ەرەجەسىنە ساي پارتيا ىشىلىك ىرىكتەۋ سايلاۋىن وتكىزۋدە. قازىردىڭ وزىندە ەلىمىز بويىنشا 30 مىڭعا جۋىق پارتيا مۇشەسى ونلاين فورماتتا ءوز تاڭداۋىن جاساپ ۇلگەردى. ولار تۇركىستان وبلىسى بويىنشا پرايمەريزگە تىركەلگەن 1076 ۇمىتكەرگە ءوز قالاۋلارى بويىنشا داۋىس بەرۋدە.

تەحنيكالىق اقاۋعا بايلانىستى "پرايمەريز-2020" قوسىمشاسىنىڭ ۋاقىتشا جۇمىس ىستەمەي قالعانى داۋىس بەرۋ كەزەڭىن ءسال باسەڭدەتىپ قالعانىن دا ايتا كەتكەن ءجون. دەسەك تە، تۇركىستاندىق پارتيالاستاردىڭ داۋىس بەرۋ بەلسەندىلىگى ءبىر ساتكە دە تولاستاعان جوق.

ەستەرىڭىزگە سالاي كەتەيىك، داۋىس بەرۋ كەزەڭىندە تۇركىستان وبلىسىنان 68 مىڭنان استام پارتيا مۇشەسى ونلاين، ال 10 مىڭنان استامى وفلاين داۋىس بەرەتىن بولادى. ول ءۇشىن وبلىسىمىزدا 209 ارنايى ورىن بەلگىلەنگەن بولسا، ولاردىڭ بارلىعى دەرلىك قاجەتتى قۇرال-جابدىقتارمەن جابدىقتالىپ، داۋىس بەرۋگە ارنالعان نوۋتبۋكتار ورناتىلعان. سونداي-اق، داۋىس بەرۋ ورىندارى ينتەرنەت جەلىسىمەن تولىق قامتىلعان.

ءبىر قۋانارلىعى، ەلدىڭ پرايمەريزگە دەگەن سەنىمى مەن ءۇمىتى مول. قوسىمشانىڭ جۇمىس ىستەمەي تۇرعانىن، سول سەبەپتى داۋىس بەرە الماي وتىرعاندارىن ايتىپ، حابارلاسىپ جاتقاندار از ەمەس. وسىدان-اق پرايمەريزگە دەگەن ەلدىڭ قىزىعۋشىلىعى مەن سەنىمىن اڭعارۋ قيىن ەمەس.

ەندەشە داۋىس بەرۋ كەزەڭى 3 قازان كۇنى تۇسكى 14:00-دە توقتاتىلاتىنىن ەسكەرگەن ءجون. وعان دەيىن ءبىرشاما ۋاقىت بار. وسى مۇمكىندىكتى پارتيالاستارىمىز ءتيىمدى پايدالانادى دەپ سەنەمىز.

ايدار سەيدازىم،
اقىن.

سوڭعى جاڭالىقتار