1 قازان, 15:03 384 0 پرايمەريز انار لەپەسوۆا

پرايمەريز: تۇركىستان وبلىسىندا مۇعالىمدەردى داۋىس بەرۋگە ماجبۇرلەگەن ديرەكتور جازالاندى

«Nur Otan» پارتيالىق باقىلاۋ كوميتەتى الەۋمەتتىك جەلىدە تاراعان تۇلكىباس اۋدانىنىڭ پارتيا مۇشەلەرىن پرايمەريزدە بەلگىلى ءبىر ۇمىتكەرلەرگە داۋىس بەرۋگە ماجبۇرلەۋ تۋرالى اقپاراتتى تەكسەردى.

تەكسەرۋ قورىتىندىسى بويىنشا تۇلكىباس اۋدانىنا قاراستى ساستوبە كەنتىندەگى مەكتەپتىڭ ديرەكتورى گۇلجان امىربەكوۆا ءبىلىم ورداسىنداعى ۇستازدارىن بىرقاتار ۇمىتكەرلەرگە، ونىڭ ىشىندە جۇبايىنا داۋىس بەرۋگە ماجبۇرلەپ، «Nur Otan» پارتياسىنىڭ پرايمەريز وتكىزۋ ەرەجەلەرىن ورەسكەل بۇزعاندىعى انىقتالدى.

تۇلكىباس اۋداندىق فيليالىنىڭ پارتيالىق باقىلاۋ كوميسسياسى «سارتوبە» بپۇ-عا گۇلجان امىربەكوۆانى «Nur Otan» پارتياسىنىڭ  قاتارىنان شىعارۋدى ۇسىندى.

سونىمەن قاتار، پارتياىشىلىك ىرىكتەۋ وتكىزۋ جونىندەگى وبلىستىق ۇيىمداستىرۋ كوميتەتىنىڭ شەشىمىمەن ونىڭ جۇبايى نۇرلان امىربەكوۆ پرايمەريز ۇمىتكەرلەرى قاتارىنان شىعارىلدى. سونداي-اق، پارتيانىڭ تۇلكىباس اۋداندىق فيليالى توراعاسىنىڭ ءبىرىنشى ورىنباسارى قۋاتبەك ەركەباەۆقا قاتىستى پارتيالىق تارتىپتىك جازا قولدانىلدى.

«Nur Otan» پارتياسىنىڭ ءباسپاسوز قىزمەتى ەلباسى، پارتيا ليدەرى نۇرسۇلتان نازارباەۆتىڭ پارتياىشىلىك سايلاۋدا داۋىس بەرۋدى اشىق، ءادىل جانە ايقىن ءوتۋىن قامتاماسىز ەتۋ قاجەتتىگى تۋرالى تاپسىرماسىن ورىنداۋ اياسىندا ورتالىق اپپارات جەرگىلىكتى جەرلەردە وسىنداي «باستامالاردىڭ» جولىن كەسەتىنىن تاعى دا اتاپ ءوتتى.

بۇعان دەيىن پارتيالىق باقىلاۋ كوميتەتى اقمولا وبلىسىندا جاپپاي داۋىس بەرۋدى ۇيىمداستىرۋ ارەكەتىن انىقتاعان بولاتىن. ناتيجەسىندە ساندىقتاۋ اۋماقتىق فيليالى توراعاسىنىڭ ءبىرىنشى ورىنباسارى ل.ا.لوۆياگيناعا «ەسكەرتۋ» پارتيالىق جازالاۋ شاراسى، «ءبىلىم» بپۇ توراعاسى ج.ج.قايىرمدەنوۆكە جانە «ءبىلىم» بپۇ توراعاسىنىڭ ورىنباسارى ب.يۋ.باراحوەۆاعا سوگىس تۇرىندەگى پارتيالىق جازا قولدانىلدى.

پرايمەريز وتكىزۋ ەرەجەسىن بۇزعان قانداي دا ءبىر جاعداي بويىنشا 8 (800) 080 4441 جەدەل جەلىسىنە (قوڭىراۋ شالۋ تەگىن) نەمەسە komek@nurotan.kz ەلەكتروندى پوچتاسى بويىنشا حابارلاسۋعا بولادى. كەلىپ تۇسكەن بارلىق ارىزدى پارتيالىق باقىلاۋ كوميتەتى جان-جاقتى قاراستىرادى. كىنالىلەرگە پارتيادان شىعارۋعا دەيىنگى بارىنشا قاتاڭ شارا قولدانىلاتىن بولادى.

سوڭعى جاڭالىقتار