1 قازان, 16:28 453 0 قاۋىپسىزدىك انار لەپەسوۆا

تارازدا ءۇي ورتەنىپ، 2 ءبۇلدىرشىن مەرت بولدى

تاراز قالاسىندا تۇرعىن ۇيلەردىڭ بىرىندە ءورت بولىپ، ەكى بالا قازا تاپتى. بۇل تۋرالى وبلىستىق پوليتسيا دەپارتامەنتىنىڭ ءباسپاسوز قىزمەتى حابارلادى.

«1 قازاندا ساعات 09:57 مينۋتتا پوليتسياعا، تاراز قالاسى اقمولا كوشەسىندە ءورت ورىن العانى تۋرالى حابار كەلىپ ءتۇستى. وقيعا ورنىنا كەلىپ جەتكەن ءورت سوندىرۋشىلەر ءورتتى سوندىرگەن. وقيعا ورنىن قاراۋ بارىسىندا پوليتسەيلەر 2017 جانە 2018 جىلى تۋىلعان ەكى بالانىڭ ءمايىتىن تاپقان»،-دەلىنگەن حابارلامادا.

قازىر وسى دەرەك بويىنشا قر قك-ءنىڭ 292 بابى 3 ب.-بويىنشا سوتقا دەيىنگى تەرگەۋ باستالعان. قاجەتتى ساراپتامالار تاعايىندالدى.

جامبىل وبلىسىنىڭ پوليتسيا جانە توتەنشە جاعدايلار دەپارتامەنتى اتا-انالاردى بالالارىن قاراۋسىز قالدىرماۋعا، سونداي-اق بالالارىن تۇرمىستا ءوزىن ۇستاۋدىڭ قاۋىپسىزدىك ەرەجەلەرىنە ۇيرەتۋ قاجەتتىگىنە شاقىرادى.

 

سوڭعى جاڭالىقتار