1 قازان, 13:47 361 0 قوعام انار لەپەسوۆا

 «اشىق جۇرەك» شاعىن گرانتتار باۋقاۋىنىڭ جەڭىمپازدارى انىقتالدى

2020 جىلدىڭ 4 قىركۇيەگىندە «اشىق جۇرەك» جاستار اراسىندا ۆولونتەرلىق برەندتى تانىمال ەتۋگە باعىتتالعان جوباسىنىڭ اياسىندا ۆولونتەرلىق باستامالاردى قولداۋ ماقساتىندا رەسپۋبليكالىق شاعىن گرانتتار كونكۋرسى جاريالانعان بولاتىن.

شارتتارعا سايكەس، liga.org.kz پورتالىندا تىركەلۋ جانە «جەكە كابينەتتە» ءوتىنىش جىبەرۋ كەرەك بولدى. قاتىسۋعا ءوتىنىش ءبىلدىرۋ قاتىسۋشىنىڭ شاعىن گرانتتار جايلى قۇجاتىندا قاراستىرىلعان تالاپتار مەن شارتتارعا كەلىسىمىن ءبىلدىرۋى ەدى. جوبالار «Birgemiz» حالىقتى ۆولونتەرلىق قوزعالىسقا تارتۋدىڭ ۇتىمدى مەحانيزمدەرى مەن وڭتايلى شارتنامالارىن جاساۋ ارقىلى ۆولونتەرلىقتى جۇيەلى دامىتۋعا جول اشاتىن ۆولونتەر جىلىنىڭ تۇجىرىمىمەن سايكەس كەلۋى ءتيىس ەدى.

شاعىن گرانتتار سايىسىنا جەكە تۇلعالار، باستاماشىل توپتار جانە قازاقستان رەسپۋبليكاسىنىڭ ۇكىمەتتىك ەمەس ۇيىمدارى قاتىسا الدى.

وتىنىشتەر «BIRGEMIZ» جالپى ۇلتتىق جوباسىنىڭ كەلەسى 7 باعىتى بويىنشا قابىلداندى: Saylyq, Umit, Bilim, Taza alem, Asyl mura, Sabaqtastyq, Qamqor.

كونكۋرستىڭ نەگىزگى ماقساتى ازاماتتاردىڭ الەۋمەتتتىك شارالاردى ۇيىمداستىرۋعا قاتىسۋ اۋقىمىن كەڭەيتۋ، سونداي-اق ازاماتتار مەن ۆولونتەرلاردىڭ ناقتى جەرگىلىكتى ماسەلەلەردى شەشۋدەگى جەكە كۇش-قايراتتارى مەن باستامالارىنا قولداۋ كورسەتۋ بولدى.

2020 جىلدىڭ 19 قىركۇيەگى ساعات 18:00-دە «اشىق جۇرەك» شاعىن گرانتتار كونكۋرسىنا قاتىسۋعا وتىنىشتەر قابىلداۋ توقتاتىلادى. جالپى 600 جوبا جۇمىستارى جىبەرىلدى. قاتىسۋشىلاردىڭ وتىنىشتەرى سايىس كوميسسياسىنىڭ مۇشەلەرىنىڭ مۇقيات قاراستىرىلىمىنان ءوتتى، وعان: «قازاقستان ۆولونتەرلار ليگاسى» قق جانە «ازاماتتىق باستامالاردى قولداۋ ورتالىعى» كەاق وكىلدەرى، سونداي-اق ۆولونتەرلىق قىزمەتىندەگى ماماندار كىردى. سايىس كوميسسياسىنىڭ شەشىمىنىڭ قورىتىندىسى بويىنشا باسىمدىق ايماقتاعى بۇرىننان بار ماسەلەلەردى تۇبىرىمەن وزگەرتەتىن جوبالارعا بەرىلدى.

107 جەڭىمپازدىڭ ءتىزىمى liga.org.kz سايتىندا جاريالاندى.

«قازاقستان ۆولونتەرلار ليگاسى» قوعامدىق قورى كونكۋرس جەڭىمپازدارىن شىن جۇرەكتەن قۇتتىقتايدى. بارلىق قاتىسۋشىلارعا قازاقستان رەسپۋبليكاسىندا ۆولونتەرلىق قوزعالىستى دامىتۋعا بىلدىرگەن قىزىعۋشىلىقتارى مەن باستامالارى ءۇشىن العىس بىلدىرەدى. ارقايسىڭىزعا ەلىمىزدىڭ يگىلىگى ءۇشىن ءوسىپ، جەمىستى ەڭبەك ەتۋدى تىلەيدى.

 

 

 

 

 

سوڭعى جاڭالىقتار