1 قازان, 14:19 350 0 جاھان انار لەپەسوۆا

ۋكراينادا كوروناۆيرۋس جۇقتىرعاندار سانى جونىنەن كەزەكتى انتيرەكورد تىركەلدى

ۋكراينادا ءبىر تاۋلىك ىشىندە كوروناۆيرۋس جۇقتىرعاندار سانى جونىنەن تاعى دا انتيرەكورد تىركەلدى.

 ەلدىڭ ۇلتتىق قاۋىپسىزدىك جانە قورعانىس كەڭەسىنىڭ كوروناۆيرۋستىڭ تارالۋىن باقىلاۋ جۇيەسى سايتىندا جاريالانعان مالىمەتكە سۇيەنسەك، وتكەن تاۋلىكتە 4069 ادامنان ىندەت انىقتالعان. بۇعان دەيىنگى رەكوردتىق كورسەتكىش 29 قىركۇيەكتە تىركەلگەن ەدى. ول كۇنى 4027 ادامنىڭ كوروناۆيرۋس جۇقتىرعانى بەلگىلى بولعان.

سونداي-اق، وتكەن تاۋلىكتە ىندەتكە شالدىققان 64 ناۋقاستىڭ كوز جۇمعانى بەلگىلى بولدى. وسىلايشا ەلدە كوروناۆيرۋس قۇرباندارىنىڭ جالپى سانى 4193-كە جەتىپ وتىر.

پاندەميا باستالعالى ۋكراينادا 213 028 ادام كوروناۆيرۋس جۇقتىرعان. ولاردىڭ 94 443-ءى ەمدەلىپ شىقتى. 114 392 ادام ەم قابىلداۋدا.

24 قىركۇيەكتە مەملەكەت باسشىسى ۆلاديمير زەلەنسكي ەلدە كوروناۆيرۋستىڭ ەكىنشى تولقىنى باستالعانىن مالىمدەگەن ەدى. 28 تامىزدان باستاپ ەلگە شەتەل ازاماتتارىنىڭ كىرۋىنە تىيىم سالىندى.

سوڭعى جاڭالىقتار