1 قازان, 13:44 498 0 رۋحانيات Túrkistan Gazeti

ديداحمەت ءاشىمحانۇلىنا ەسكەرتكىش قويىلدى

شىعىس قازاقستان وبلىسى قاتونقاراعاي اۋدانىندا بەلگىلى جازۋشى ديداحمەت ءاشىمحانۇلىنا ەسكەرتكىش ورناتىلدى.

جازۋشىنىڭ 70 جاسقا تولۋىنا وراي اشىلعان ەس­كەرتكىش شىعىس قازاقستان وبلىسى، قاتون­قارا­عاي اۋدانىندا ءوزى قىزمەت ەتكەن مادەنيەت ءۇيىنىڭ الدىندا بوي كوتەردى.

ديداحمەت ءاشىمحانۇلى 1950 جىلى 10 ماۋ­سىم­­دا شىعىس قازاقستان وبلىسى قا­تون­قارا­عاي اۋ­دانىنا قاراستى جاڭاۇلگى اۋىلىندا ءدۇ­نيە­گە كەلگەن.

1978 جىلى قازاق مەملەكەتتىك ۋنيۆەر­سي­تەتى­نىڭ جۋرناليستيكا فاكۋلتەتىن بىتىرگەن.

1978-1980 جىلدارى «قازاقستان پيونەرى»، 1981-1992 جىلدارى «قازاق ادەبيەتى»، 1992-1994 جىل­دارى حالىقارالىق «زامان – قازاقستان» گا­زەت­تەرىندە جۇمىس ىستەگەن. 1994 جىلدان حالىق­ارالىق «تۇركىستان» گازەتى باس رەداكتورىنىڭ ورىن­باسارى، «ەل-شەجىرە» قوعامدىق قورىنىڭ پرە­زيدەنتى جانە «الاش» باسپاسىنىڭ ديرەكتورى قىزمەتىن اتقارعان.

جازۋشىنىڭ «اققابانىڭ تولقىنى» (1981), «ون ءبىرىنشى كۇز» (1987), «كامەننايا پاد» (1990), «جەر اڭساعان سارى اتان» (1998), «سامىرسىن سازى» (2000) اتتى اڭگىمەلەر مەن پوۆەستەر جيناقتارى جا­رىق كوردى. شىعارمالارى الەمنىڭ بىرنەشە ءتى­لىنە اۋدارىلعان. سونىمەن قاتار قالامگەر ا.كۋرچاتكين، ت.مينۋلمەن، ا.اشيروۆ، ح.ابدۋللين، پ.پۋرزۆەرۋ، ت.ب. شىعارمالارىن قازاق تىلىنە اۋ­دارعان.

د.ءاشىمحانۇلى 2005 جىلى حالىقارالىق «الاش» ادەبي سىيلىعىنىڭ لاۋرەاتى اتانعان.

سوڭعى جاڭالىقتار