1 قازان, 11:50 366 0 پرايمەريز انار لەپەسوۆا

پرايمەريز: اقمولا وبلىسىندا داۋىس بەرۋ ەرەجەسىن بۇزعاندار جازالاندى

«Nur Otan»-نىڭ پارتيالىق باقىلاۋ كوميتەتى اقمولا وبلىسىندا پرايمەريز وتكىزۋ ەرەجەسىنىڭ تالاپتارىن بۇزا وتىرىپ، داۋىس بەرۋدى وتكىزبەك بولعان ارەكەتتى انىقتادى.

پارتيانىڭ ءباسپاسوز قىزمەتىنىڭ مالىمەتىنشە، اقمولا وبلىسى ساندىقتاۋ اۋدانىنداعى «ءبىلىم» بپۇ توراعاسىنىڭ ورىنباسارى «Nur Otan» پارتياسىنىڭ پرايمەريزىن وتكىزۋ ەرەجەسىن بۇزىپ، جاپپاي داۋىس بەرۋدى ۇيىمداستىرۋعا شاقىرعان.

30 قىركۇيەكتە وسى ماسەلە بويىنشا پارتيانىڭ اقمولا  وبلىستىق فيليالىندا پارتيالىق باقىلاۋ كوميتەتىنىڭ وتىرىسى ءوتتى. وندا ساندىقتاۋ اۋماقتىق فيليالى ساياسي كەڭەسىنىڭ بيۋروسىنا پارتيالىق جاۋاپكەرشىلىك تۋرالى ماسەلەنى قاراۋدى جانە ساندىقتاۋ اۋماقتىق فيليالى توراعاسىنىڭ ءبىرىنشى ورىنباسارى ل. ا. لوۆياگيناعا «ەسكەرتۋ» پارتيالىق جازالاۋ شاراسىن، سونداي – اق «ءبىلىم» بپۇ توراعاسى ج. ج. قايىرىمدەنوۆ پەن پرايمەريز ەرەجەسىن بۇزعانى ءۇشىن «ءبىلىم» بپۇ توراعاسىنىڭ ورىنباسارى يۋ.باراحوەۆاعا سوگىس تۇرىندەگى پارتيالىق جازانى قولدانۋدى ۇسىنۋ تۋرالى شەشىم قابىلداندى.

«Nur Otan» ءباسپاسوز قىزمەتى ەلباسى، پارتيا ليدەرى نۇرسۇلتان نازارباەۆتىڭ پارتيا ىشىندەگى سايلاۋدا اشىق، انىق جانە ءادىل داۋىس بەرۋدى قامتاماسىز ەتۋ قاجەتتىگى تۋرالى تاپسىرماسىن ورىنداۋ اياسىندا ورتالىق اپپارات جەرگىلىكتى جەرلەردەگى وسىنداي «ارەكەتتەردىڭ» قاتاڭ تۇردە جولىن كەسەتىنىن اتاپ ءوتتى.

پرايمەريز وتكىزۋ ەرەجەسىن بۇزۋ دەرەكتەرى بويىنشا 8 (800) 080 4441 جەدەل جەلىسىنە (قوڭىراۋ شالۋ تەگىن) نەمەسە komek@nurotan.kz. ەلەكتروندىق پوشتا ارقىلى حابارلاسۋعا بولادى. بارلىق جايتتەردى پارتيالىق باقىلاۋ كوميتەتى ەگجەي-تەگجەيلى زەرتتەيدى. كىنالىلەرگە پارتيادان شىعارۋعا دەيىن قاتاڭ شارالار قابىلداناتىن بولادى.

سوڭعى جاڭالىقتار