1 قازان, 12:37 316 0 زاڭ انار لەپەسوۆا

قورداي وقيعاسى: باس پروكۋراتۋرا سوتتالعان 7 ادامعا قاتىستى پىكىر ءبىلدىردى

باس پروكۋراتۋرا قورداي وقيعاسى بويىنشا شىققان سوت ۇكىمىنە قاتىستى پىكىر ءبىلدىردى.

29 قىركۇيەكتە بۇقارالىق اقپارات قۇرالدارى الماتى گارنيزونى اسكەري سوتىنىڭ قورداي اۋدانىندا ورىن العان جاپپاي تارتىپسىزدىكتەرگە قاتىسقان جەتى ادامدى سوتتاعانىن حابارلادى.

شىنىمەن الماتى گارنيزونى اسكەري سوتىنىڭ ۇكىمىمەن ۇرلىق جاساعاندارى جانە جاپپاي تارتىپسىزدىكتەرگە قاتىسقاندارى ءۇشىن اسكەري قىزمەتشى ۋ. اتانباەۆ، سونداي-اق ا. تىلەۋعاليەۆ، ا. نۇراحانوۆ، ە. بۋرالكينوۆ، ر. بەجىباي، م. دۇيسەنباەۆ جانە ب. يبراگيموۆ 3-تەن 9 جىلعا دەيىنگى مەرزىمگە باس بوستاندىقتارىنان ايىرۋعا سوتتالدى.

بۇرىن تەرگەۋ بارىسىندا ۋ. اتانباەۆقا جانە ونىڭ سىبايلاستارىنا قاتىستى ماتەريالدار ءىستىڭ اسكەري سوتتىڭ سوتتىلىعىنا جاتقىزىلۋىنا بايلانىستى جەكە ءىس جۇرگىزۋگە بولەكتەنىپ الىنعان بولاتىن.

سونىمەن قاتار 21 شىلدەدە ارنايى پروكۋرورلار 51 ادامعا قاتىستى تەرگەۋدى اياقتادى.

ولارعا وسى جىلدىڭ اقپان ايىندا ماسانشى، بۇلار باتىر جانە اۋقاتتى اۋىلدارىندا بولعان وقيعالار بارىسىندا كۇش قولدانۋ، كىسى ءولتىرۋ، مۇلىكتى ورتەۋ جانە قيراتۋ، جاپپاي تارتىپسىزدىكتەرگە ارانداتۋ جانە بيلىك وكىلدەرىنىڭ تالاپتارىنا باعىنباۋ بويىنشا ايىپ تاعىلدى.

قازىرگى ۋاقىتتا ايىپتالۋشىلار قىلمىستىق ءىس ماتەريالدارىمەن تانىسۋدا، سودان كەيىن ءىس سوتقا جولداناتىن بولادى.

سونداي-اق وسى جىلدىڭ ناۋرىز بەن تامىز ايلارى ارالىعىندا پوليتسەيلەرگە زورلىق-زومبىلىق كورسەتكەن اعايىندى ۆوينگۋيدىڭ (18 ناۋرىزدا 1,5 جىلعا باس بوستاندىعىنان ايىرىلدى), قۇداشباەۆتارعا قاتىستى ادامدار توبىندا دەنساۋلىققا قاساقانا ورتاشا اۋىرلىقتاعى زيان كەلتىرگەندەرى جانە بۇزاقىلىق جاساعاندارى ءۇشىن اكەلى-بالالى يۋنحۋدىڭ (24 ساۋىردە ارقايسىسى سايكەسىنشە 2,5 جىلعا باس بوستاندىعىنان ايىرىلدى جانە شەكتەلدى), 54 دانا "مولوتوۆ" كوكتەيلىن دايىنداعانى جانە تاسىمالداعانى ءۇشىن ر. ۆەيسەردىڭ (12 تامىزدا 3 جىلعا باس بوستاندىعىنان ايىرىلدى) سوتتالعاندارىن ەسكە سالامىز.

 

سوڭعى جاڭالىقتار