1 قازان, 11:48 405 0 ايماق انار لەپەسوۆا

بيىل الماتى وبلىسىندا 3 مىڭعا جۋىق وتباسى قونىستويىن تويلايدى

بيىل الماتى وبلىسىندا كەزەكتە تۇرعان 2 788 ادامدى تۇرعىن ۇيمەن قامتاماسىز ەتۋ جوسپارلانعان.

وبلىستىق قۇرىلىس باسقارماسىنىڭ مالىمەتىنشە، بيىل وبلىستا بيۋدجەت قاراجاتى ەسەبىنەن 246,2 مىڭ شارشى مەتر نەمەسە 3258 پاتەر (714 تۇرعىن ءۇي) باسپانا قۇرىلىسى ءجۇرىپ جاتىر. جىل سوڭىنا دەيىن جالپى اۋدانى 131,8 مىڭ شارشى مەتر بولاتىن 1630 پاتەرلى 532 ءۇيدى پايدالانۋعا بەرۋ جوسپارلانعان. جالپى اۋدانى 114,4 مىڭ شارشى مەتردى قۇرايتىن 1628 پاتەرلى 182 ءۇي 2021 جىلدىڭ ءبىرىنشى جارتىسىندا پايدالانۋعا بەرىلەدى دەپ جوسپارلانعان.

«بيىل كەزەكتە تۇرعان 2 788 ادامدى تۇرعىن ۇيمەن قامتاماسىز ەتۋ جوسپارلانۋدا. تومەندە كورسەتىلگەن مەملەكەتتىك باعدارلامالار بويىنشا باسپانا كەزەگىندە تۇرعان ازاماتتارعا بەرىلەدى. اتاپ ايتساق، «نۇرلى جەر» باعدارلاماسىمەن 1 245 پاتەر (1195 قۇرىلىس، 50 ​ ساتىپ الۋ); «باقىتتى وتباسى» باعدارلاماسى اياسىندا 600 پاتەر (ەكىنشى جانە نەگىزگى تۇرعىن ۇيلەردى ساتىپ الۋ); «7 – 20 – 25» باعدارلاما بويىنشا 467 پاتەر (65 نەسيەلىك تۇرعىن ءۇي، 402 كوممەرتسيالىق); «5 – 10 – 20» باعدارلاماسىمەن 476 پاتەر (370 نەسيەلىك تۇرعىن ءۇي، 106 كوممەرتسيالىق)»،- دەلىنگەن الماتى وبلىسى اكىمىنىڭ ءباسپاسوز قىزمەتىنىڭ اقپاراتىندا.

 

سوڭعى جاڭالىقتار