1 قازان, 10:32 524 0 ساياسات انار لەپەسوۆا

ماحامبەت دوسمۇحامبەتوۆ: ورىنباسارىمنىڭ كىناسى دالەلدەنسە، وتستاۆكاعا كەتۋگە دايىنمىن

اتىراۋ وبلىسىنىڭ اكىمى ماحامبەت دوسمۇحامبەتوۆ ءبىرىنشى ورىنباسارى نۇرلان تاۋباەۆ شىنىمەن دە كىنالى دەپ تانىلىپ، سوت ۇكىمى شىقسا، قىزمەتىنەن كەتەتىنىن مالىمدەدى.

اكىمنىڭ ورىنباسارى مەن قۇرىلىس باسقارماسىنىڭ باستىعى 182 ميلليون تەڭگە (420 مىڭ دوللاردان استام) كولەمىندە پارا الدى دەگەن كۇدىكپەن ۇستالدى، دەپ جازدى "اق جايىق" باسىلىمى.

"زاڭ بارىنە ورتاق. ەگەر تەرگەۋ اياقتالىپ، سوت ونى كىنالى دەپ تاپسا، وندا مەن زاڭعا سايكەس، وتستاۆكاعا كەتۋگە دايىنمىن. ونى قابىلداي ما، جوق پا، پرەزيدەنت ءوزى شەشەدى", - دەدى اكىم ماحامبەت دوسمۇحامبەتوۆ.

ەسكە سالا كەتەيىك، 2019 جىلدىڭ قاراشاسىندا "مەملەكەتتىك قىزمەت تۋرالى" زاڭعا تۇزەتۋلەر ەنگىزىلدى، وعان سايكەس قاراماعىنداعى قىزمەتكەردىڭ كىناسى دالەلدەنىپ، سوت ۇكىمى زاڭدى كۇشىنە ەنگەننەن كەيىن باسشى قىزمەتىنەن كەتۋگە مىندەتتى.

 

 

سوڭعى جاڭالىقتار