30 قىركۇيەك, 18:52 450 0 جاھان انار لەپەسوۆا

كۋۆەيتتىڭ جاڭا ءامىرى تاققا وتىردى

ناۆاف ءال-احمەد ءال-دجابەر اس-ساباح كۋۆەيت ءامىرى بولىپ تاعايىندالدى. ول ۇلتتىق كەڭەس الدىندا انت بەرىپ، رەسمي تۇردە تاققا وتىردى، دەپ حابارلايدى Kuwait News.

سالتاناتتى جيىندا جاڭا ءامىر الداعى تاڭدا كۋۆەيت مەملەكەتىن ساقتاۋعا جانە قورعاۋعا، سونىمەن قاتار بۇرىنعى باسشىنىڭ ساياساتىن جالعاستىرۋعا انت بەردى.

كۋۆەيت كونستيتۋتسياسىنا سايكەس، بيلەۋشى قايتىس بولعاننان كەيىن تاقتىڭ مۇراگەرى اۆتوماتتى تۇردە ءامىر بولادى. الايدا تاققا وتىرماس بۇرىن، ۇلتتىق جينالىستا، ياعني ءبىر پالاتالى پارلامەنتتىڭ الدىندا انت بەرۋگە مىندەتتى.

ەلدىڭ جاڭا ءامىرى ناۆاف ءال-احمەد ءال-دجابەر اس-ساباح ءار جىلدارى ءارتۇرلى مەملەكەتتىك قىزمەتتە، سونىڭ ىشىندە كۋۆەيتتىڭ قورعانىس ءمينيسترى، ىشكى ىستەر ءمينيسترى جانە پرەمەر-ءمينيستردىڭ ورىنباسارى بولدى. 2006 جىلدىڭ جەتىنشى اقپانىندا كۋۆەيتتىڭ تاق مۇراگەرى اتاعىن الدى.

ايتا كەتەيىك، بۇدان بۇرىن جەرگىلىكتى باق كۋۆەيت ءامىرى ساباح ال احمەد اس ساباحتىڭ قايتىس بولعانىن حابارلادى. مونارحيالىق ەسىمى ساباح IV بولىپ تابىلاتىن بۇل ءامىر 91 جىل عۇمىر كەشكەن. كۋۆەيتتى 2006 جىلدان بەرى باسقارعان ول سوڭعى ۋاقىتتا قاتتى سىرقاتتانىپ، شىلدە ايىنان بەرى اقش-تا ەم قابىلداعان.

ءامىردىڭ قازاسىنا بايلانىستى بۇكىل كۋۆەيت اۋماعىندا 40 كۇندىك قارالى كۇن جاريالانىپ، مەملەكەتتىڭ تۋى 3 كۇنگە تومەن ءتۇسىرىلدى.

سوڭعى جاڭالىقتار