30 قىركۇيەك, 17:41 385 0 پرايمەريز انار لەپەسوۆا

الماتىدا پرايمەريز ۇمىتكەرلەرىنىڭ جاريا پىكىرسايىسى اياقتالدى

«Nur Otan» پارتياسى الماتى قالالىق فيليالىنىڭ سەگىز اۋدانىندا پىكىرسايىسقا 200-گە جۋىق كانديدات قاتىستى، ولار بۇرىن وتكىزىلگەن جەرەبە بويىنشا توپتارعا ءبولىندى. ەكى اپتا بويى پرايمەريزگە قاتىسۋشىلار الماتىلىقتارعا مەگاپوليس پروبلەمالارىن شەشۋ جولدارىن ۇسىنا وتىرىپ، وزدەرىنىڭ سايلاۋالدى باعدارلامالارىن تانىستىردى. پىكىرتالاستاردىڭ ەڭ تانىمال تاقىرىپتارى جەو-2 ەكولوگيالاندىرۋ، دەنساۋلىق ساقتاۋ مەكەمەلەرىندەگى مەديتسينالىق قىزمەت كورسەتۋ ساپاسى جانە وقۋشىلاردى قاشىقتىقتان وقىتۋ ماسەلەلەرى بولدى.

وتكەن جاريا پىكىرتالاستاردىڭ ەرەكشەلىگى – جۇرگىزۋشى جانە وپپونەنتتەردەن باسقا، پرايمەريز ۇمىتكەرلەرىنە ءومىردىڭ ءتۇرلى سالالارى بويىنشا الماتى تۇرعىندارى سۇراقتار قويدى. بۇل پارتيانىڭ اۋداندىق فيليالدارىنىڭ الەۋمەتتىك جەلىلەردەگى رەسمي اككاۋنتتارى ارقىلى جاسالدى. مىسالى، مۇقتاج ازاماتتار ءۇشىن تۇرعىن ءۇي جاعدايلارىن جاقسارتۋ جونىندەگى باعدارلامالارعا، شاعىن جانە ورتا بيزنەس كاسىپورىندارىن داعدارىستان شىعارۋ تەتىكتەرى بويىنشا سۇراقتار كەلىپ ءتۇستى.

دەباتتار بارىسىندا كەلىپ تۇسكەن الماتىلىقتاردىڭ تىلەكتەرى مەن ۇسىنىستارىنىڭ باسىم بولىگى ەسكەرىلىپ، «Nur Otan» پارتياسى الماتى قالالىق فيليالىنىڭ الداعى 5 جىلعا ارنالعان سايلاۋالدى باعدارلاماسىنىڭ جوباسىنا ەنگىزىلەتىن بولادى.

ەستەرىڭىزگە سالساق، پرايمەريز قاتىسۋشىلارىنا 1-3 قازان ارالىعىندا Primaries 2020 ءموبيلدى قوسىمشاسى نەمەسە www.primaries.kz ۆەب-پورتال ارقىلى داۋىس بەرۋگە بولادى.

سوڭعى جاڭالىقتار